3月22日

3月22日(日)

琴晚一直同老公講星期日一定要去栢麗呀!要同亞b報playgroup先~唔再理幼稚園收唔收依個問題啦!因為之前想慳d錢比亞b讀預備班就唔讀playgroup啦!家下我又覺得如果能力許可下,不如比亞b識多d小朋友.~sorry!要用亞b d利是錢啦~

因為前排收到有張宣傳單係18/F有,我地就上去睇下啦!去到門口寫住唔好按鐘以免阻外小朋友學習,咁我地咪企係門口等一陣囉.企係門口既時候見到有個女人係房到食緊野,但就冇心開門,老公就話走啦都冇心做生意..........之後我再行多一次門口,咁岩有個女仔出來,我地就入去,個食緊野個女人就話唔該你地除鞋先好入來..............佢粗略講左D資料叫星期二聽完個講座先決定報唔報. 出左門口我同老公講不如上埋25/F到睇下啦!25/F都有playgroup，一睇之下發現唔同好多而且人地買點真係外籍人士教嫁,我地係讀既過程有個西人走埋來，拿住個公仔同亞b say hello,但亞b全程冇反應,唔知係唔係驚呢?仲有見到個8-9歲既男仔全程同個西人talk得好勁,老公仲話如果亞b大個都好似佢咁就好啦!因為學費都唔係好貴,我地就報左名,下個星期日就可以上堂同亞b一齊玩啦!非常好期待呀!