2月14日

2月14日情人節

一番公司nct話花到收,恭喜佢嫁得出之制,原來係佢老闆娘送,佢老闆娘都幾細心喎.

唉.....亞媽亞爸帶左亞b去屏山,佢地自己顧住打麻雀叫我放工去屏山湊亞b,我去到屏山馬上接亞b回家,答輕鐵時預到個大叔佢話唔洗驚痴利巾係一個小手術.....佢話佢細個時做左.........點解我聽到佢仲有痴利巾既,聽完佢講野之後我想亞b唔係痴利巾係發音唔準姐,轉輕鐵時又預到個亞嬸同佢傾左一陣,佢話小朋友講野要慢慢來但介片就要快d啦.(壓力又來啦)

晚上同文文&亞b去吉之島食飯,等位等到pk,我地就去左玩具反斗城大發時間,.我睇中左部電單車,因為有一次亞b係公園有個哥哥借過比佢玩過,亞b玩左幾個圈之後就識控制避人,我地就決定買啦.(亞b係真幸福呀),不過要4日後先有貨.之後打電話問個間餐廳叫到幾號台,原來就到啦,我地就回去,食食下發現亞b柯濕片,褲仔都濕埋.我地唯有馬上食完就走啦. ~有了亞b情人節再不浪漫,不過多了快樂&十分之多既勞氣~~  ps.係玩具反斗城有一位亞姐借左張會員卡比我所以平左成100蚊,真係要多謝佢,不過最搞笑係嫁電單車4日後先有貨,個亞姐同我地講佢4日後都應該會係到,我心諗你唔係想來捕我呀~~