養响動物園o既東北虎都食唔飽...

剛o岩睇到新聞，話大陸瀋陽冰川動物園，因為入不敷支，本來每日餵飼，現在只能每  2-3 日至餵一次，仲要餵唔飽。導致有 4 隻一齊生活o左 7-8 年o既東北虎，因為太飢餓，搞到自相殘殺。其中一隻 12 歲大，重 300 幾磅o既東北虎，俾另外果 3 隻咬死o左，仲食o左佢一隻腳。

東北虎係瀕危o既受保護動物，只係得番 500 幾隻，但就得唔到適當o既保育，相信再咁落去，遲 d 就只能夠响書本上至有得睇囉。