網誌分類：未分類 |
我個亞B終於喺24/4日出咗世喇!
24號凌晨兩點幾,我開始感到有d陣痛,於是我就起身攪掂埋一d鎖碎事,然後就去沖澡洗頭,仲要食埋嘢添.之後再叫醒我老公,攞埋個"走佬袋"搭的士入醫院.
去到醫院成5點幾,醫生幫我檢查,話我已經開咗3,4度,要留喺醫院,當時我嘅心情開始有d緊張,因為知道亞B就快要出世.
初時,護士同我講可能朝早或者下午先至生,所以我咪叫老公返工先囉!點知佢走咗冇幾耐,我就愈來愈痛,姑娘話要推我入產房,於是又再即刻call番我老公.我9點鐘入咗產房,我老公10點鐘到咗陪我生BB.起初我以為好快就生得啦,點知攪咗兩個幾三個鐘都仲未掂.最慘係產房裏面又凍,而我老公連早餐都未食就即刻"飛的"過嚟,我見到佢隻手起晒"雞皮",真係好"陰公",所以咪即刻叫佢去食嘢先囉!
最後我都要攪到3點半先至生到亞B出嚟,生完果一刻,真係有"一身鬆晒"嘅感覺.我摸下自己個肚,扁番晒,真係好開心!
其實生嘅過程真係好痛,好痛,痛嘅程度真係難以形容,我相信只有當了媽媽的人才能明白和感受.不過我喺生的過程中,好彩有老公全程陪伴,令我感到好大的支持,而喺我最痛嘅時候,我老公亦借咗佢嘅手指出嚟,俾我咬了一下(實際上係"被迫下").我真係好感動亦好多謝佢!!!
我生咗BB之後,有好多朋友都send咗sms俾我,祝福我同埋BB,我喺呢度同各位講聲"多謝"!
啱啱生完嘅我,同啱啱出世嘅BB
BB同爸爸嘅合照
亞B"皺眉頭"嘅樣,好攪笑!
亞B瞓覺時候,成日"郁手郁腳",好似打拳一樣.
自從阿女戒片後著底褲仔... 就學識咗 Underwear 呢個字... 但最好笑就係佢成日將"Cinderella" & &......
DSC_0058.JPG
DSC_0055.JPG
DSC_0040.JPG
biop 2007-05-09 18:37
如我的老婆生，我會帶一些東西給她咬。。。
ArKwok 2007-05-06 22:58
好感動～好偉大～～ 真係好好好開心呀！！！！ ～～＞＿＜～～
你０地個BB真係好得意～～
盡在不言中!
Kennis 2007-05-01 23:05
真係好開心呀!!媽媽!!! 阿b又好可愛,好得意,真係想抱下佢呀!!!
你要多d休息,記住有時就落下街,行過轉,讓自己心情輕鬆d,唔好太緊張呀!!!
加油!!放多d阿b同你地既全家福俾大家睇啦!!!
Kim 2007-05-01 07:49
Stephanie, 我真係好佩服你呀!!! 如果我開始作動...我諗我實''騰鷄''到成屋日醒晒!! 你好似好有經驗, 生咗好多個嘅媽咪 gum...超勁!! 仲有...你生完已經勁精靈, 又熟手幫BB換片...真係好佩服 ar!!
Miss Ip 2007-05-01 00:16
新媽媽,
你都好勁呀!!! 2:00幾搞掂曬d野, 先叫老公, 你除左會係一個好媽媽也是一個好老婆呀!!!
你生完都好精神呀!!! bb 隻眼都唔鈿, 好好休息呀!!
chiuchiucat 2007-04-30 23:17
我都唔知點解生完唔覺攰喎,仲好好精神添!不過到咗夜晚就開始勁眼瞓.到半夜時,姑娘問我叫咩名,我都唔識答.
靚媽 2007-04-30 18:23
契仔阿媽，我真係完全感受到你嘅痛！不過學你話齋，真係唔係筆墨可以形容！好彩有老公喺度支持已經好好多啦！佢地一定覺得我地好偉大，哈哈！
你好勁ga啦！生完個樣仲好正常又唔攰...我生嗰陣個勁醜，個聞氣野"luck"色...搞到我成個花面貓！生完又攰，由5am昏迷到12pm先起身呀！