最後一天假期-重陽節

今日真係超hea!朝早起身餵完早奶後,抱彤彤過我0地房,之後我就瞓到好似有d不醒人事, 彤彤應該自己睇電視0卦,佢做乜我都唔知....模糊間佢又好似0係房行(其實都冇得行,細到死)又爬上床又落床, 之後又叫我0地開門俾佢出客廳.....我都唔記得好清楚,醒下又瞓下,老公話我瞓到成2點喎(唔係嘛?邊有呀?),老公都落街買完早餐,我話唔食又瞓,真係唔知瞓到幾點喇!真係餓,起身換衫出門, 2點幾, 出到TST好似未夠3點,諗住去老闆娘度食0野,點知冇開0既! 內部裝修??死啦,唔係執0左下嘛?? 唔好0卦!! 有點失望,因為幫佢買0左0野諗住拎埋俾佢添....咁走啦, 去0左附近食tea,杯奶茶就真係差0左d,之後又行ocean,原來有blythe 展,好靚呀!真係好靚,而家已經冇儲咯,以前就有心機買佢0野幫佢換衫,原來帶埋去可以影相,不過我都唔知有展,梗冇帶啦!彤彤就猛話靚靚要影相。之後都四圍行,出奇今日竟然比平時少人行,之後彤彤都太攰瞓0左,老公就去公園幫我影相, 再之後行,又忍唔住去starbucks食cake嘆咖啡(好似尋日先食完咋喎,日日食都唔厭呀),例牌,食到途中彤彤就永遠都知醒,不過今日話0左唔俾佢再食朱古力cake,飲奶啦!之後就行0左去搭110返屋企咯,咁又一日,超hea,但係又好relax