閒話家常

差不多半個月沒寫blog, 大家都估到我有幾忙了....就說說自己的近況啦~

剛剛搬了長沙灣的新屋暫住, 美孚的屋企進入裝修階段, 我想囡囡一歲生日前應該可以搬返美孚掛....長沙灣這邊不錯, 最好的就是近奶奶屋企, 接送囡囡真係方便得多....屋企雖然比美孚細, 但係好新, 又高層, 又開揚, 感覺真的不錯....

不過囡囡就可憐了, 搬了入新屋就開始咳咳, 都差不多一星期了, 希望囡囡快d好啦, 夜晚咳到醒, 咳到喊, 第二朝見到佢個樣冇晒精神, 真係好心痛....

工作上還好, 仲未放no pay, 仲未減人工 (touchwood), 不過真係靜得可憐, 但是我們又唔可以坐係到冇野做, 要搵野做.....仲難過冇野做....同事之間感情真係好好, 我地諗住攪好多聚會, 雖然我有囡囡湊, 唔係成日去到, 不過有li班同事, 係工作上真係好大幫助!!

近日跟同事食飯時提到投資問題, 我真的唔係投資既材料, 或者說我不會靠投資發達既人...., 人人生活都為錢, 我都想賺多d錢, 可以點呢, 唔投資仲可以點呢....還是努力工作, 再為自己既目標前進啦!!

自己企起身, 都覺得好開心啦

咩表情黎架?!

又同朋友仔映相喇?!

喂喂...唔準企咁埋睇電視架....