曉澄@7個月

今個月過得好似好快, 可能囡囡真係改變左好多, 學左好多野, 囡囡真係大個女了...

1) 開始有一餐是食粥仔 / 糊仔, 囡囡食得好滋味架....

2) 餐與餐之間會有小食, 麵包呀, 蘋果蓉, 粟米蓉, 羊奶片....

3) 食奶既份量減少至5-6安不等

4) 終於嘗試放返囡囡係bb床訓, 基本上都可以訓到天光

5) 扭訓時仍舊很兇, 爸b都攪唔掂, 但我一抱佢落床, 食個奶咀, 唱下歌, 再拍拍就會訓

6) 坐得好定, 好多時間係佢既個人天地玩玩具, 可以玩好耐 (我地就可以安心食飯)

7) 早上安時7點起身, 會不停叫醒你, 當你醒晒望住佢時, 佢就會笑, 好似"終於叫醒你喇!"

8) 一訓係到就好多時要轉身, 成功向到左轉, 反左身之後可以維持一陣就叫

9) 坐係到時可以伸手向前拎玩具

10) 坐係bb床時會用力拉開床圍, 同埋咬床邊

11) 聽過幾次叫"媽", 不過唔知係咪撞彩

12) 終於試過出街只用揹帶, 唔駛拎bb車

13) 人地同佢講拜拜, 只是拎起佢隻手, 同佢拜拜 (隻手一開一合), 佢都識一開一合

14) 出左2隻牙仔喇!!!!!

15) 成日側晒頭扮qute