同事的婚禮+漂亮的一戰

好耐好耐冇update, 什至冇上網, 冇開電腦, 因為實在太忙, 太累了...但昨晚去了一個同事的婚禮, 不得不update一下

個個婚禮都差唔多, 但昨晚的, 我覺得好用心去籌備, 包括用既所有音樂, 用得非常出色, 唔老土, 但好sweet, 好潮, 好配合...平時見到做事好冷靜的同事, 昨晚都因為感動而同新娘激情擁抱每次去婚禮就會諗返自己婚禮, 眨下眼自己連囡囡都有埋喇, 下次去飲, 可能可以帶埋囡囡喇....

昨日因為同team的同事放假, 我忙c左, 連食飯既時間都冇, 做做做做.....做到8:45pm, 打算都唔去飲, 但係打比朋友, 佢話剛剛熄燈, 應該趕到黎, 好彩跑呀跑呀, 去到見到新郎新娘係門口準備緊, 總算趕得切

雖然工作辛苦, 但經過昨日一役, 我知自己並不孤獨, 各位既好同事都會幫我, 雖然唔係直接幫我, 但間接我知佢地幫左我好多, 仲比左好多鼓勵說話我, 我要多謝新黎既manager, 佢做大我做細, 佢仲要轉頭幫我做埋野, 真係唔好意思, 我要多謝一齊食魚蛋既同事, 多謝你地既支持, 說說笑的確輕鬆好多仲要多謝老公, 明明自己部xbox都唔掂, 都肯食低聽我傾計 (不過我想訓既時候, 要我聽返你講野...)

各位, 我會努力架, 我唔會懷疑自己既能力, 我唔會向惡勢力低頭!!