必睇忍者刺客

今日放假，彭生竟然難得主動開口話想去睇戲喎，我梗係樂意奉陪啦．

稔返起，對上一次同佢入戲院，都唔記得係幾時喇．．．

由於唔想同太多人迫既關係，我地去左又一城睇．．．

果然真係無咩人入場囉，可能今日係平日，又係返工時間，不過套戲就真係正！

呀ｒａｉｎ型到爆不特只，班忍者都好型，個個黑蚊蚊，做得好神秘，

動作靚，流暢，完全帶到人們心目中忍者既形象同埋作為．．．服裝亦都超靚，雖然全部黑色！

呢套戲描述”忍者”呢樣野，描述得好真實，真到好似現實中確實存在呢一班人！

個個都係身手敏捷快如風，殺人如殺蚊，武功高強．．仲有自癒能力．．

雖然我唔否認有”忍者”，但我相信真正既”忍者”未可以去到戲中境界囉！

ａｎｙｗａｙ，睇故就唔駁故喇～～

另外，套戲講呀ｒａｉｎ既身世講得太多，攪到戲肉只係淨返好少時間．．唔夠喉！

亦都唔夠血腥，所以唔明點解係三級，而且一集就打大佬實在太快，如果可以分開兩集，

會唔會令觀眾更加著迷呢．．．

整體黎講，呢套戲都值８０分，有少少笑位，無悶場，但唔夠刺激同震撼！

不過淨睇呀ｒａｉｎ已經夠殺！！