食到滿肚〝火〞的一餐

燒魂一
地址： 尖沙咀漆咸道南57-59號金馬倫中心2樓

睇雜誌介紹呢間d 牛，講到好正好美味，隨即同琳琳一家一齊約好星期六 (今晚) 嚟個聚餐。致電 book 位時已向佢地接電話同事查問，2歲小朋友係唔係〝免費〞，佢地答1米以下的係〝免費〞，咁我地就 booked 咗 4大2B。

一去到，坐的地方未開始燒已經覺得好翳焗，心唸可能坐正 CORNER 位，冇計！

食物每次只可以 ORDER 8 款，唔唸咁多爭取時間食野。

上菜速度開頭真係有D 慢，可能全部人同一時間落 ORDER 之故，之後嘅 ORDER 都 OK。

但可能佢地忙 / 大意，一個 ORDER 落咗 3 次，D 野嚟完又嚟，叫咗個D 又唔嚟。

仲有係佢地D 通風設備好唔掂，一燒野食，煙霧彌漫，叫佢攪大d冷氣死一味話開咗，但D 風係時有時冇，連隔離枱都食到開始投訴話好熱！！

到埋單走人，一見張單竟然收我地6個大人 ($198 /位) 再加一，心唸 〝哇！博我地唔 CHECK 單呀！〞

經理再攞單嚟，大人收4個，但仲有個 $276 的收費，一問之下係兩個小朋友的〝優惠價〞。

個經理話 1米以下係收優惠價，手抱 BABY 先 〝免費〞。

唔好玩啦！打嚟訂位時話 〝免費〞，食完話〝優惠價〞，話門口個牌已寫明1米以下收〝優惠價〞。

如果我地知佢地要比錢，都唔會嚟啦，食 酒店 BUFFET 仲舒服 & 抵食啦！

而家好似比人老屈咁，條氣點會順呀！

仲要個〝優惠價〞門口冇標明，你地講幾多都得 GAR 啦！

個經理話佢最多只可以當一個手抱，因為有 BB 車。

點知轉個頭話老闆話唔得，一定要收足！！

個經理仲話廣告都有寫明1米以下要收錢，仲話係公司 policy，佢想攪收一個錢都唔得，一味話幫我地攪攪攪，查實全部都係佢講！

幸好我地有一手準備，連廣告紙都帶埋。

一CHECK 之下，佢講個 Point，喺廣告到係一d 都冇提及到！！

佢仲可以死口唔認衰，態度仲開始惡劣 tin！

叫佢搵最大個個嚟同我地講，話老闆唔得閒，唔喺舖頭！

其實咩都係佢講哂，最後佢話搵另外同事同我地傾，一等就10~15mins，期間冇人理過我地。

問佢究竟想點，佢話搵緊同事 follow，語氣其差！

細問做警察的姐夫了解我地可以點，佢話警察唔會受理。

我地只可以一係比足錢，一就同佢撐到底。

最後，因為出面等枱的客人開始投訴佢地，佢地先搵另一個帶位同事走嚟，細細聲講〝收4位〞先解決今晚餐飯。

幸好細佬一家最後因為唔得閒 join 唔到我地，如果唔係煙到

Marcus

呢間黑店真係打死都唔再嚟，仲會同朋友講千奇唔好去 tin！

食物就算有幾好食都冇用，服務唔得，誠信唔得已經〝死得〞，真係要睇下佢地幾時〝執笠〞！！