食食食@Bali

去左四日，日日都對住個碧海藍天，真係百看不厭！

除左藍天白雲同一望無際嘅海外，就係食！食到我又重左番香港，真係要做下運動，再咁肥落去我擔心自己唔知點生～～

雖然resort只係得四間餐廳，但係食足四日都無問題！

第一餐晚餐未夠六點就去左間印尼餐廳食，因為搭飛機時十一點幾就食晏（早餐隻糯米雞都未落格），落機後都未食過嘢，超餓！原來印尼食品都無我想像中咁辣，見到啲蝦片就諗起細個會自己喺屋企炸黎食呀（超肥）！由於太早食晚餐，所以結果夜啲要再嗌room service，好在只係叫左一份burger（右下），超大份，兩個人食都好飽！

正餐至愛早餐，皆因唔係breakfast buffet，日日叫唔同款都幾有驚喜啊！每朝訓醒都可以悠閒地望住個海食個豐富早餐實為人生一大樂事也，令我忍唔住諗其實放假得閒不妨自己整個豐富早餐歎下都好！不過都係講下啫！以我咁懶煮嘢食，應該都唔會的得起心肝慢慢煮早餐，仲要我慢手慢腳，煮得黎應該餓死左～～

中間嗰壼係我壼熱鮮奶，加埋個egg benedict，絕對可以為羊咩B提供豐富o既營養；個strawberry yogurt我都超鐘意食，好新鮮！

左下o既蛋白奄列夠晒健康，不過都係鐘意食傳統奄列多啲，好似好齋咁；右上個blueberry pancake好好味，邊食邊令我諗起Amanda，因為佢好鐘意食blueberry咯！

有兩餐叫左room service，可以留喺自己嘅小天地食，又有另一番滋味～～

多謝peter特別安排左佢口中所謂正式嘅兩週年紀念晚餐（香港嗰餐係預演喎），喺懸崖邊只有我地兩個，望住個海擦左個龍蝦餐，真係好好feel呢！

太黑都影唔到啲乜，不過其實真係幾浪漫架，真係好二人世界（應該三人至啱）！！

食到捧住個肚！仲要有專車接送（只係唔駛我地call都準時有buggy候駕啫），好似好有氣派咁，咭咭！最型嘅係我食食下想去洗手間，喺懸崖附近當然無得解決啦，於是又特登坐buggy去，好似好大陣仗咁，咭咭～～

臨走前最後的晚餐，食左so-called遺禁嘅海鮮燒烤餐，不過我諗印度洋嘅海鮮點都乾淨過香港嘅！見到咁新鮮嘅海鮮真係流晒口水！！