杭幫菜

跳去講美食先，遊西湖遲下先補番～～

去得杭州當然要試下當地嘅美食，杭州都有唔少馳名美食架！！

左上嗰道菜叫乾隆魚頭，據嗰間餐廳（唔記得左叫咩名）形容，係當年乾隆下江南餐廳主人炒雜燴咁煮過比乾隆食，皇上極之欣賞，事後賜牌扁又剩因而響朵！！至於味道，不過不失啦～～

禮尚往來，叔叔招呼左我地幾日，我同peter臨走前就請番叔叔嬸嬸食飯聊表謝意！原本想去天香樓，最終去左樓外樓！查實兩間都係杭州好出名嘅食肆！樓外樓更加座落喺西湖旁，望住西湖嘅景緻開餐，當然更加開胃啦～～

樓外樓名字嘅出處──山外青山樓外樓，西湖歌舞幾時休！好有江南文人雅仕feel喎！

西湖醋魚何處有，獨數杭州樓外樓～～

個朵咁勁，一場黎到樓外樓，當然要試下西湖醋魚呢道名菜啦！

除此以外，仲有：

乾炸響鈴

龍井蝦仁

叫化童雞

東坡肉

宋嫂魚羹

……等等，個人最愛龍井蝦仁同西湖醋魚，前者清甜可口，後者酸酸甜甜好開胃下！而乾炸響鈴（應該係炸腐皮）熱食非常香口，東坡肉肥就肥左啲，但係肥而不膩（試過喺香港小南國食東坡肉食到我怕怕，肥膩到呢）；宋嫂魚羹啲辣味重左少少，叫化童雞就不過不失啦！！

叔叔話我地叫晒杭州啲名菜黎食，咁一場黎到嘛！！下次唔知幾時再黎咯～～