疏乎厘

在我一生裡，暫時只食過四次疏乎厘，當中有咸有甜，有d有質感，有d好似食泡咁:

第一次食的是在尖沙咀的Todai自助餐，任食吾嬲，這次我食了兩杯，有棉棉蛋的質感幾好食 (09-10-2007)

第二次係在半年後，因為信用卡送的$250減$100優惠卷，我同好朋友去了沙田新城市廣場的紅螞蟻食，這間餐廳d野都幾好食。因為我地要食夠$250，所以都叫了很多野食。這個朱古力疏乎厘要$40，係二人份量，所以都好大個，質地棉棉好好食。最後我地叫了兩個粉兩個小食兩個甜品兩杯飲品，埋單$280折了$180，一人都係$90 (01-03-2008)

半個月後同了肥豬仔去屯門巿廣場地下圍邊的露天舖頭仔食酸辣米線，這間小店除了做米線外，有一半餐單都係做甜品的，有cheese cake, 糖水...，我地就叫了疏乎厘，$20，係由個男老闆做的，開晒計時器，聽到佢打麵粉打蛋，最後個鐘響，我地就知到有得食啦，要等二十分鐘先有得食，但只係用了兩分鐘就食完，這個賣相好靚，但全個都係泡同埋好水，吾覺得食了野，吾太好食 (16-03-2008)

再過多個半月後，我地豬仔同埋佢d同事去了屯門黃金海岸酒店食自助餐，三個人去一個免費，每人二百三左右，網頁話每人會送個龍蝦疏乎厘，但原來去到係任取的，排隊就有，取了回來好開心，因為又有得任食，點知一食落吾甜的，古古怪無乜味的，食到底有一粒粒龍蝦仔肉同埋有少少汁，先知原來這個係咸的疏乎厘，最尾食d肉都ok的，但我無再取了，因為我覺得佢都吾係疏乎厘 (09-05-2008)

總括來講，暫時我最鐘意係紅螞蟻食的朱古力疏乎厘，味道夠，質地好食，同埋好大碗，todai都好食，不過無朱古力味咁特別