節慶繼 ~ 中餐

數數手指我地自搬黎呢樹起都無認認真真係屋企食過餐海鮮宴

一來我呢頭既海鮮選擇真係唔係好得，二來健康乜乜物物喇，三來都係過時過節先食既

機緣巧合上個月給我地發現一個新大陸 - 魚類海鮮批發市場，立即買條魚返黎試下，掂掂掂！

認識了大眼哥，以後想食乜野預先打個電話就可以喇！

今次共買四大袋，其實兩條友係無可能食得晒，所以分了部份比亞媽自己煮

咁大隻海蝦真係可遇不可求，鮮甜爽口彈牙

跟筷子一樣長，7吋竹蟶，如果響街市買就一定貴

簡簡單單用豉汁蒸，非常鮮嫩甜味！

南非孔雀鮑，新鮮到黏埋一起

咁新鮮既食材，梗係唔好攪咁多花神，薑絲果皮清蒸，蒸4.5分鐘，肉質剛剛好，最後淋上熟油豉油

無需多講，魚向來係指定動作 ~ 清蒸大杉斑

今次我地揀呢條係大既，重1斤10，預了分1/2比亞媽

幸好無因為魚既重量而影響肉質，因為蒸碟夠薄身水夠滾

不過我始終覺得下次買兩條細d會更加好

象拔蚌全部畫一價錢，我同佢講：撈條細既比我得架喇

佢笑我咁樣唔抵喎，邊有人揀條細架？

大少邊行邊笑我，點會有人好似你咁笨？

我就係唔貪埋小便宜，最緊要量力而為嘛

你睇，返去切開了，兩條友仔食得晒？

唔係得一層，已經舖兩層架喇!

呢個係我呢期既小玩伴，話說買海鮮前一日，係街巧遇呢個國產迷你電爐仔

聽日用黎白灼象拔蚌一流喎

買爐送埋兩個煲仔，一個不繡鋼，一個瓦煲

乾水會自動斷電

用黎白灼呢d輕巧野，唔駛下下拎個打邊爐煲咁大陣象嘛

平時可以用黎暖住或翻熱d餸，芝士/ 朱古力火鍋....

主角出場喇...喇...喇！

對上食果次已經係2007年冬至

我最愛最愛最愛的!!!!!! 1隻係唔能夠滿足我地，打孖上喇！

拼埋罐可樂，正常size可樂頓時變了迷你版可樂

食凍蟹一定要配陳醋更加帶出蟹既甜味啊！

不過點小小就夠架喇

呢兩日膽固醇完全超晒標！

回復減磅餐單了，再期待元旦喇！

祝大家新年快樂！！