2008年12月20日

估唔到到左十二月中，天氣仲係咁熱，今天的真熱壞了，又熱、又晒，簡直是夏天的感覺!

話說難得今日唔駛返工，一早起身就去領取畢業證書，因為成日都因為辦工時間而去唔到，今日係一個好機會!  出去一陣已經熱爆了，之後就去左工展會，其實d野都唔係特別平者，不過千山萬水去到，又比左入場費，平DD都要買下野既，又熱、又晒又迫人，結果越買越多，似乎有點誇張，大家都孭住大袋細袋，已經不能負荷了...

今年既新、舊曆生日都有點事故發生，實在太.....了，話說昨日本來好開心，雖然返工，不過都係攤位遊戲，仲好意外地收到一份同事親手做的小禮物，surpise~ 仲發現左一d好玩既新玩意，就係迷你鏡頭，於是大家就玩了一輪，都幾開心，之後因為全人類要參加屬校聖誕party，所以四點幾就走得了，因為我不出席，所以就好早在等待別人的放工了....點知.....因為放工塞車?呆等了幾乎兩個鐘，加埋提早放工，總並呆等了三個鐘有多，激死人了.... 不過意外地發現，天使蛋糕真係好好味，係超好味，可能係我暫時食過覺得最好食既蛋糕....

不過仲有一件事覺得好開心，就係小菁竟然記得我既生日，仲係生日前前後後都打電話祝福我，真係好窩心既感覺呢，因為大家都各有各忙，好少見面，但係竟然都咁有心，真係好開心。因為漸漸覺得人越大，泛泛之交雖然不少，不過是真心相待的密友竟然越來越少，可能每個人都有自己的忙，有自己的一套，可能傾訴心事的已經很難找到了吧~ 所以簡單的一句問候，一句祝福已令人很滿足了吧~ 謝謝~