原來是許梁聯婚

十一月二十二日 富豪酒店

結婚潮一浪接一浪，今晚的主角是亞倫和亞多，恭喜晒!!

認識了他們多年，今晚到了酒店樓下，才發現自己不知道他們的高姓大名，而酒店又有好幾對新人結婚，打電話給朋友們又無人聽，好彩有人拿著張貼問路而我又認得出咋!!如果唔係都唔知點算。

今晚去到o既感覺都幾奇怪，因為唔係識得好多人，有幾個做左兄弟姊妹，有的是男方同事﹑波友，有的是女方同學﹑同事，而每個團體都係識d唔識d，影相時又唔屬於佢地d團體，但又好想影，最後同左d兄弟一齊影，跟著又同亞瑩一齊影，好想快d有得睇。

今晚同Amy，亞雪，Pinky同家慧一齊坐，都幾開心，不過點都唔夠隔離枱o既Andy開心，佢可能戥兄弟開心，周圍敬酒，唔知仲以為佢係新郎哥添呀，好彩有「伴郎」Denny睇住咋，最後我們五人十一時多已離開，但住屯門的Pinky胃痛，我奉命陪佢返屋企，最後成兩點幾至返到屋企，好攰呀!!

好鍾意亞倫首求婚歌: 冬暖夏涼
若有我的熊抱 冬天該不太差
回避到我的懷裡 等待雪溶吧
若有我當屏障 放暑假不用怕
無上裝 八月還會怕熱嗎