平民遊Regal Club

全靠舊同學LM小姐嘅公司福利，佢一口氣攞左5間機場富豪酒店嘅房俾我地一班人過夜玩通頂，仲可以平食自助餐，等我地可以玩高級版宿營。 不過好似係我地同你慶祝生日，嘻嘻，真係唔好意思了。

因為其中一間房upgrade左，我地呢班平民先可以有機會上去酒店嘅9至10樓睇下，呢兩層全部係executive room，要插卡先可以搭lift先可以上到去。

我地仲去左禁地regal club lounge，有上網、雜誌、飲品、小食……不過又無想像中咁靚。

雖然真係好想同朋友一齊過夜，但係總算用定力戰勝左呢班魔鬼，哈哈。