北京之旅DAY 6

2008年11月14日(星期五)

《中堂客棧》check out 之後就去北京西站坐正午12:00火車回香港了，開心嘅時間過得特別快。

為左唔想同其他人一間房，我地買左2人包廂，貴少少，不過自在好多，房裡有上、下格床各一張、餐枱、梳化椅同獨立廁所。2人包廂只有一卡共8間房，4人房和6人房都各有4卡，每卡一個廁所，我地所見，4人卡多數是香港中年人，6人卡多是內地人。好多香港人帶埋麻將來解悶，門口就企滿觀戰的人。至於6人卡真係太邪惡了，張床唔會夠高俾人坐，所以乘客都坐走廊，無位坐的就企。但係因廁所是共用的，所以都可以好臭，有一卡臭到我地要折返，無勇氣走入去，太可怕了。

原本24小時的車程，最後要26小時，我地食下、瞓下、聽下歌、睇下預先買的雜誌，時間出奇地快過。

車是由北向南走的，我們的窗口正好對正東方，於是零辰5:00起身睇日出，可惜多雲睇唔到，不過沿途風景真係各有特色，雖然列車無指示，我地都可以大約分辨到去到邊度，坐火車比坐飛機舒服十萬倍，可以的話我下次都會選擇火車，當然要有時間啦。

就係咁我地就完左北京之旅了，唔知等到幾時先有下次旅行了。