Pizza Express 生日會

好多謝菇時同鐵男邀請我同小黑炭去菇時的生日會，好期待的心情去到，與壽星女、鐵男及他們的朋友在中環集合之後，一齊去Pizza Express，食pizza就食得多，我從來未試過睇人整或者自己整的。

一去到就有個靚仔職員(阿某某話的)招呼我地，其實我之前行蘇豪區的扶手電梯都見到這鋪頭，不過從來無食過。全層二樓只有我們，我地先趁間鋪頭仲好整齊影下相，一陣間就好難講了。

跟住靚仔職員好難gag咁教我地做手部的熱身運動，例牌做完一輪之後只有佢兩隻手分得開，我地就分唔好，gag爆。

跟住一人派一隻鑊，鑊上面已經鋪左pizza的麵包底了，職員先教我地點整條批邊出來。

然後教我地點將蕃茄醬推開，推開之後就可以隨自己喜歡鋪上配料，配料有又大又新鮮嘅蕃茄、橄欖、磨菇、辣肉腸、雞肉、火腿、同小黑炭好鍾意嘅墨西哥辣椒(好似係咁叫)，唔好睇小d材料，以為普通料，我地一邊整又一邊食，發覺係好好味，哈哈哈。最後嘅步驟就係鋪芝士粒，職員話唔可以鋪太多，否則成個面就只有芝士。

左邊的是我和小黑炭的半製成品，右邊的是菇時和鐵男的。

做好之後就俾鋪頭攞去焗，我地就趁呢個時候飲下野，話咁快就焗好了，我嘅心情超緊張，唔知個樣係點??唔知好唔好食呢??

一打開就聞到好香好香......，右邊的是小黑炭，左邊的是我整的，出事!!! 好似右邊那個靚d。大家攞住自己的pizza都表現得好好好..興奮呀，仲來一個pizza大合照，急不及待要試食了，好...好...好...味呀!!!!! 蕃茄醬好甜、芝士好香的....總之樣樣都好。

我地之後仲玩啤牌、食朱古力蛋糕同飲紅酒，真係好開心...好好玩....好難忘的生日會呀，多謝菇時同鐵男，好多謝他們呀!!