存在感(超薄)弱...的我！

唉~無啦無啦！無啦真係無啦！死啦死啦...年紀大啦...埋唔到堆啦！死火啦...死火啦...哈哈哈~！睇嚟我要睇定幾間老人院啦。點解會咁...其實都無乜嘢嘅...不過幾好笑咁囉。

話說有一日，我照常去搭公司車，又如常見番同一班同事們，我哋坐底無嘢做就梗係吹吓水架啦！咁我無呢頭爆咗句嘢，不如我哋聽日踩單車囉？喺呢個MOMENT，坐喺我後面有兩個(極之可愛)嘅同事傾得如火如荼...全程投入...全神貫注...旁若無人...恭喜發財...如來神掌...(SORRY,OVER咗潻)...仲有一大堆聽唔明嘅用語，(我有理由相信佢哋係潮童上身)...，完全聽唔到我講嘢，=_="...好無奈...原來我嘅存在感係咁薄弱架...我要尋求社工嘅協助...搵番啲存在感先得啦！