四叔 : 蝕得好鬼慘

股海毒浪系, 本在今年2月時已設定好, 但半年後的現在先來第一篇 XD
本系會用上大量廣府口語, 用口語化先夠貼近生活同表達出偶的語氣 XDDDDDD

投資應係生活的一部份, 財富管理良好可以話等於管理好人生的一半,
君不見新聞紙上甚至於身邊的親朋戚友, 因為理財不善而出現各種大小問題,
少至成為"長期糧尾", 去個小旅行都話要儲錢 ,卡數要月月找min pay;
大則欠債破產連累家人, 週圍問朋友借錢再玩人間蒸發, 認真累街坊.

雖則名為股海毒浪, 但實質上唔止講股市, 還有偶對於理財經濟方面的"廢UP".
如果有高高手路過, 見到呢度的文章亂UP一通請勿見怪,
偶只係一個吹水唔沬咀的口水人 XDDDD

講明叫股海毒浪, 呢期真係毒死同浸死好多人呀...

=================================================

雖則四叔係明燈 (簡直係海上燈塔強力大光燈),
但起碼佢肯發表自己的意見講真話~
在這個陰險的商業社會, 呢個膽量同勇氣我很敬佩的說 :D

尾段佢爆左5星級的家老細呢排個心情,
所以我相信佢每一句都係真心話 XDDDDDD
相反呀誠哥講話好曖昧同隱悔,
一句"最壞時刻未到", 講完等於無講,
完全捉不到把柄, 條後路闊過羅馬大道.

蝕得好鬼慘
轉載

一向力撐好友兼順德同鄉、碧桂園主席楊國強的李兆基，昨日提及碧桂園時，表示「自己揸咁多（碧桂園股票），我都已經『飽晒』咯！」暗示不會再買入碧桂園股份，「我都已經揸好多手貨，跌咗咁多已經蝕得好慘……揸咗咁重貨，唔需要再揸咁多啦」。

稱楊國強「近排無心機」

分析碧桂園近期股價的「死因」，四叔坦言「啲人話佢搞其他嘢，又收購乜收購物，好多人覺得佢『浮』啲啦！事實上都無嘢嘅。」碧桂園昨日跌逾3%，收報 3.29元，較去年最高位的14.2元，下跌近77%。四叔去年在碧桂園上市時以10億元入股，按招股價5.38元計算，帳面暫蝕3.88億元。

四叔又說，不知道楊國強通過收購邵氏入股電視廣播的新進展，「總之佢買得成時，我就唔會縮沙（指他借予楊氏的31億元貸款），佢成日話同邵氏商量吓，不過佢自己碧桂園既股價跌咁多，近排都無乜心機……」此時，恒地副主席林高演發言，指他們不方便評論其他公司，四叔亦隨即表示「哦……我哋唔方便評論呀」。