愛登士家庭

哈哈,BB將会誕生係一個愛登士家庭!

Daddy & Mammy 唔鐘意瞓,食冇定時,返工放工又唔定時! 歪理一大堆!

Daddy 仲係一個大细佬 兼大少爺第時要服侍兩位少爺,想肥都幾難lu

最近屋企發生咗好好笑嘅事! 我家的Miss COCO 大個女啦, D月事離咗。起初就由得佢周圍滴滴滴,但係之后真係睇唔過眼,佢后面邋遢到不得了。我地又問過狗店,話冇咁大條褲仔。咁我地諗不如幫佢著尿片,但係屋企最大都係得條S碼片。後來又俾我地諗到....用人嘅巾巾加埋條boxer底底! 嘩! 完全WORK!!!! 不過Miss COCO 就唔太喜歡la!

功夫COCO~

至於另一隻星仔....由於16嘅高齡,佢耳又聾眼又矇...一入屋就左一篤右一篤...抹地抹到暈 咁我地又諗到個crazy idea.. 又係幫佢著尿片。開頭用BB著嘅方法,但係長度"爭"D, 遮蓋唔到佢嘅重要部位加上佢不停好想擺脫條尿片。哈哈,最好笑係...我媽咪見到,話都冇用嘅...甩嘅... 原來星仔拉肚子....條片太重,負荷唔到---鬆咗! (怪唔知咁臭臭啦!)我地之後又改變方法,"塑性"當佢係一條圓柱體包住就算! 又WORK bor!

要用牛皮膠纸去固定位置! Do I need to put on diaper rash cream for him ne~

Haha, 未見到BB, 睇吓現貨先.. "登登" JordanBaby!

今日係39wks5days。由於我有小小擔心BB,因為完全一Ｄ動靜都冇,所以去咗廣華做check up. 上星期skip咗個appointment,但又冇re-book,今日walk-in,所以浪費咗成個鐘等個staff 去搵番我個file.見咗醫生, 係咁2聽一聽個心跳, 我以為又咁"兒戲"~ 唔係lu, 因為臨近預產期,要驗多次血(check 血色素) 同埋醫生refer 咗我上病房做個詳細BB心跳圖。

第一次去公立產房病房,俾我想像中OK好多。D staffs 都好好。臨做個test嘅時候,又問我駛唔駛去洗手間,其實啱啱踏入病房係lunch time, 所以有好幾架食物車 (忽然間我懷念飛機餐同埋真係肚餓la! 我心諗,死伙都唔知要攪幾耐....)係洗手間行番出嚟,姑娘話不如食咗嘢先啦! 嘩,好感動呀! 有碗飯,菜菜&肉肉!

做個心跳圖suppose係唔可以瞓著,因為BB每次郁就要"禁一禁"個制。但係出面陰陰天又食飽飽....呵呵懶瞓的我.....當然小睡了一會,舒服哂! 當做完個test, 姑娘話醫生去咗做手術,要等吓,不如去睇陣電視先。我諗一諗, 同姑娘講我住得好近(５分鐘距離),有咩事我再番黎la! 哈哈,又okay wor! 因為個圖睇落冇乜問题,姑娘俾咗張纸我,叫我每日monitor位BB嘅movement, 如果12小時內郁唔夠10次就要入院! 同埋book咗Friday做check up, 醫生話再無動靜要催生啦 唔知係唔係我成日同佢講留係肚肚入面耐D,重多DD至出嚟,所以到宜家都冇乜動靜呢?

一幅得個肚肚嘅相,個肚算唔算低? (oh 已經衝破40吋關口! 40吋半啦)

經過今日,我又猶疑啦,究竟去廣華 or 浸會呢??????