香港動漫電玩節2008

又係一年一度香港動漫電玩節, 我呢D咁既人跟係會去喇！ 不過唔係第一日～ 係第二日.  我又唔洗搶野, 唔洗第一日去. 一班人係太原街食完野就一直咁殺落去會展!!

今年都算好左D,唔係排左好耐.
不過一樣係好多人！ D人迫到一舊舊咁, 熱死人...
你地睇下又幾多個人頭... 冰山一角咋...


不過今年幾好呀～ 多左好多靚女～
今年我同阿Will有特別任務, 因為阿GT3大佬要我地去型女女相. 咁得我地兩個有相機所以要做功課唔係交唔倒俾人鬧！！ XD
所以今年我同阿Will係用TTT特派記者既身份入場~
一入門口就又六位女女welcome我地, 話明要交功課咁緊係即時飛埋去型喇！


入到去會場... 一樣咁多人


唔好問, 唔識佢係乜水. 因為有任務所以影左...


第一站係Hasbro攤位. 隊長話要去搶Marvel Legends所以去左先.
最尾佢買唔齊. Last day 佢自己入多次先買齊一set! XD
今年Hasbro個booth最靚. 成架Optimus貨車泊左係會場!! 型爆!!


咩咩會場特別金Movie Optimus喎. 去到話冇晒喇喎~


咩咩會場特別 Movie Boxset喎. 成千蚊一盒～
買齊autobots同decepticons都要兩隻金牛. 其實貴咪又係貴左Pat Lee個張certificate咋麻...


喂喂喂!!!
突然好熱血, 咩事？？
睇下！ 係神殿同人馬坐個聖衣箱呀！！


快D行埋去睇下！！ 真係好正.
想學一輝咁偷左佢~ XD


今年電擊模型一樣好似往年咁好既level. 不過最直得一題係呢個~
成間房切左出黎！ 好靚～ 好真實～
個個都去型, 迫左好耐先埋倒去影...


喂喂喂!!!
突然又好熱血, 又咩事呀？？
原來係檬面超人呀！
佢地賣D衫好靚不過超貴... 所以冇買...


嘩！！！ 12" The Dark Knight同Batpod呀！！！ 超型！！


再行下行下... 
咩事！ 做咩會見倒佢既？ XD


去到玉皇朝喇～
見倒Krauser先生同艾奧里亞大人!!


玉皇朝女女, 唔知佢地扮咩...


又再行下行下...
見倒一班人群同閃光燈...
我同阿Will即刻飛埋去又影影影～
影完先知自己影左D咩.
呢兩位Transformers cosplay女女都OK喎！ 不過係唔知阿Optimus女女條透明君想點...


又見倒一班人群同閃光燈...
又飛埋去影影影...
右邊個位幾靚 XD


又一似見倒一班人群同閃光燈... 影影影...
XBOX 女女s
又係右邊個位幾靚 XD


最靚個位Bandai女女～


影完之後我同阿Will都係度問其實我地係咪好變態...
但我地又安惠自己話黎得呢D show咁緊係型架喇～  又話佢地份工就係俾人型...
其實真係唔知我地係咪變態,但係如果真係咁就有大把人同我地一齊變態!!

行完去左食野～
食完又落左去太原街.
佢地班友仔係會場買完出都去又買, 真係有米! XD

我個日既戰利品~~
唔係買左好多野...