我返黎呀~

原來我足足有個多月,無同大家見面啦~學cindy話頭<你終於蒲頭>,唔知大家有無忙記我呢~

回想過成個月,真係忙到死,日日做到無停手呀~朝7晚11做到個人都瘦了一個圈,haha,到了年初一以為可以休息吓,原來仲辛過响鋪頭,真係年初一拜年到年初七~

講起成個新年我有兩件事好難忙,第一件事响年初三同細舅母兩人合作煮了一個25人晚飯,，細舅母家裡廚房有好多新奇玩具,令煮飯都變為樂趣,話時話,25人飯餸真係幾多野要做ga,最少都用了十個八個鍾頭响廚房,不過真係好開心,最後聽番黎意見好好添,我奶奶比我地有110分呀~

第二件响初九係下禾輋鄉材有一團舞獅團黎街市拜年,十分熱鬧,各商户都放了地青水青同高青,等醒獅採青,有d商户放生菜响十多呎高,wa咁高点採高,聰明師夫,响餐廳借了一塊大圓板,十二個男丁枱起隻獅去採青真係勁~當然人地咁落力利是放面一d都唔少啦~而我同奶奶舅母就一早搬開鋪中的雜物,放好生菜利是,等醒獅黎,他們到我以後會真入採青,原來係要拜地主拜關帝先採,因為隻獅係紅色,代表關帝加上鋪中神枱有更加要拜,隻獅响鋪中都玩了好幾個字,我以為ending會將d生菜,仙女散花散落地,原來奶奶話佢砌了一個金錢字漾,wa勁呀~我都係第一次見呀~最後一站去了最大商户陳根記,真係点止醒獅咁簡單,一紅一金獅有大頭彿還有梅花莊,最勁係有大大條舞龍添,真係街市之光,成條村都出黎睇勁~~~~~~~~

廢話講完,我恭喜大家身體健康,財源廣進~

還有初十立春後已丑牛年到`犯太歲朋友記得拜太歲~