去唔到笑笑團,,,點算??

雖然我的獨角獸正處於停工狀
但係笑笑團就算出唔到獨魚獸都想人到
畢竟一次咁有意義的活動
我讀city果陣都好想搞一次咁樣的模型活動啦
今次真係好想參加的....

不過,我果日竟然冇假放!!!
其實我的工作性質係輪更輪休
冇得放星期日好平常的....
之但係我有入紙向公司攞假
而且果日又唔係太多人放假
咁o者係批埋我都冇咩野問題啦
我想攞假就唔批, 我冇問佢攞就篤我放
咁算咩野意思先?

睇到呢度各位兄弟的反應就係「射波啦」
好!我都好想射
問題係port sick係no pay的....
咁樣射一射成本至少就幾舊
而且仲要on duty前90分鐘打電話返公司port
即日要睇聯網醫生, 同日要fax 醫生紙返公司
第二日返工要交正本, 仲要比d阿 sir問長問短
換言之,係一port親就當正你詐病, 遲到
最好你就咳出血,斷手斷腳, 白車送你入醫院落車仲有記者伏你影相第二日上埋報紙就信你病到返唔工啦
不過!!!呢d都唔緊要!!!射得波就預左啦!!!!!
問題係....我女朋友唔多鼓勵我咁做
幾舊水咁樣去一去仍覺得唔值得
應該存多個錢先啱
的而且確幾舊水咁射一射的確有點肉痛(用來買模型多好)
在這些原因之下我都唔知到底射唔射波好...
睇到呢度各位兄弟的反應就係「咁的公司,resign把啦」


(就算我人唔到件都會到!, 大把好兄弟幫我攞去display的)


2/2後記

諗左一陣比我得出終極解決方案
其實我果日唔放假,可以早走o者~
我果日"使橫手"的話可以早到3點半就放工啦
飛到去城大最多都係1615左右的時間
我仲有兩個鐘左右時間玩下呀~
好~~~ 一於係咁
各位兄弟記得等埋我呀