blog友笑笑團2010 我的z年代
我一直都聲稱自己有參與....
仲誇下海口砌重高...
奈何我連隻本身想出電擊的都未砌完...
點算好??



那邊廂JKL大搞了一個笑笑團外傳の高達30週年無國界小隊
"好似"易搞少少wor
好,幾大就幾大

咁點玩法先?
可以快手又夠出位的話...
應該係咁啦掛....


無啦啦就諗左個珠光寶氣版出來
咁做唔單上唔使補夾口,仲唔使上色,連諗分件就節省埋
本來以為好輕鬆...點知...
呢d每粒只有1.5mm大的東西的確會令人發癲
初頭我用下aa膠去貼, 不過發現aa乾左之後會白化
廿幾三十粒貼好曬的珠仔要全部剷走
而家轉用雙面膠紙,簡單輕鬆得多啦你以為!!!!
係就係貼得好左, 不過我果抽頸椎骨痛左幾個鐘
而家完成左一隻熨斗腳板已經用左我3包珠仔
(一包144粒,雖然有好多係彈飛左的)
一包就要15蚊,咁就冇左45個大洋,荷包一d都唔輕鬆




之後都係一d唔會太有趣的工作啦
不過而家算做左上手, 話唔埋十一月前可以起到貨
趕得切去city影相....

==================================================

後記:
本身太多野砌, 笑笑團極有可能出唔到野了
但係真係好想玩下, 所以就變節了...
因為屋企環境太差, 由剪件到完成我都會在workshop做
不過實在太少時間上到去, 問題始終冇解決
所以最後想到貼珠仔呢個唔使點上workshop都做到的方法
其實咁做都幾取巧, 而且又違反左無國界小隊要補夾口同上色的要求...
anyway,玩左先算


另外一樣就係發現自己好鍾意行一d"無理啦更"地方
搵模型用的素材, 明明連模型鋪可以買到咩野都未知得曬...
在鴨記買電工野, 10蚊店買地台/小裝飾,呢次仲玩埋珠仔
自己都幾enjoy呢個過程
另外初時行珠仔店覺得自好異類, 因為冇男性會行呢d鋪頭
不過行下行下又發現又唔係完全冇男人行的, 就連老闆好多時都會男人
不過呢d鋪入面真係窄到high high, 一個神龍擺就會掃爆曬人地d珠珠
行的時候要特別留心