年初一

每年新年我地都會去拜媽祖,

每年都會去路環媽祖像 & 澳門媽祖廟,

拜既都同一個媽祖,

其實媽媽都唔係好明點解同一個媽祖要拜2次,

好彩既係...澳門只有2個地方係拜媽祖,

如果唔係, 真係驚要去晒全澳所有既媽祖廟, 咁就真係會...暈

今次都係第一年係年初一去拜媽祖, 除左人多之外,

原來年初一, 路環媽祖廟有免費既福建湯圓&福建麵線比信眾任食,

不過媽媽對呢2樣食品都全無興趣,

全屋得媽媽一個唔鍾意食福建野,

希望大楷B既口味會同媽媽一樣, 陪下媽媽都好丫

大楷B今年大個仔, 終於可以陪爺爺嫲嫲一齊黎拜神,

平時係屋企見慣嫲嫲拜神既大楷B, 對拜神駕輕就熟,

唔洗教已經自己埋位拜埋一份,

希望媽祖娘娘保祐  我家天天

身體健康 快高長大 幸福快樂 做個乖寶寶

忘記帶腳架, 影唔到全家福添

到媽媽就位喇, 全家福唯有等埋亞瑤嬸嬸先一齊影啦

拜完路環媽祖廟, 下一站媽閣廟丫,

不過因為澳門媽閣廟人太多煙太多炮竹聲太多,

媽媽&大楷B可以被括免不用去, 留係車上看車啦

對過年~逗利是甚麼都不懂既大楷B,

只對全盒入面既糖果最感興趣,

冇得食, 玩下都一樣咁開心