after...interview

時間真係過得好快,

明明大楷B係冇幾耐之前仲係一個手抱BB,

點解...好似..突然間...長大左咁既,

又到左為大楷B搵學校既時候喇

校風好

係mami為天天揀學校既首要條件,

mami唔需要天天樣樣都叻...分數科科高,

mami只要天天每日都開開心心...做mami既乖仔豬就夠喇

經過3間學校既面試,

大楷B既去向終於都定左喇,

雖然入唔到AR BA, Mami既心水學校,

不過...只要大楷B既校園生活過得開開心心就夠喇,

又或者好似PC既校長咁講: 呢個世界冇名校唔名校, 只有適合子女既學校.

希望Mami都搵啱適合天天既學校啦

面試情況當然要記錄一下啦,

話晒都係大楷B人生入面既第一次考試嘛~

第3志願...KP (AH BA母校)

係初段既問答時間,

miss: 你叫咩名? 幾多歲? 媽咪叫咩名? 呢個係咩黎架?

大楷B全部都唔答...後來仲話要搵AR BA...同去toilet添,

真係搞到媽咪心驚驚呢~~~

第一次面試已經乜都唔答, 仲有最少2次既面試呢...點算呀

好彩miss問左一輪之後就攞左部車車出黎,

情況立刻改變晒, 除左有問必答以外, 仲有成99%都答啱晒

媽咪都放心D

(第2日仲收到學校既錄取通知, oh~ 大楷B起碼有書讀喇)

第一志願~PHC

呢日媽咪真係好緊張, 就好似係媽咪考試咁,

(媽咪仲係前一晚發左惡夢...夢入面...miss左考試時間呢)

本來諗住要係門口影返張相既, 到最後都係唔記得左,

面試過程唔清楚, 因為唔比家長陪同,

大楷B就係矇盛盛情況之下比媽咪呃左入去試場,

面試完畢, 大楷B出黎見到AR BA, Mami即時喊左出黎,

我諗...大楷B當時應該都好驚呢~

到最後竟然通知...

已被取錄, 不過因學位不足, 被安排到<比卡超>學校

可能好多人都會揀<比卡超>而放棄 kp,

不過AR BA, Mami都係想大楷B讀男女校多D,

幾年後同妹妹(or弟弟)一齊讀就啱晒喇

第二志願~PC