閃閃長披肩

覺得佢好高貴好優雅,

不過因為著披肩好似唔係好方便咁,

所以一直都好少用到佢.

不過成日心思思又點會忍得住呢~

而且見到呢隻線就已經著迷,

閃閃既銀色...織披肩啱晒,

而且夏天出入冷氣地方用都唔錯丫.

因為已經有兩件三角型鉤編披肩,

所以今次就織長型披肩啦,

又因為自己懶, 所以只係織左呢個好簡單既花紋

花紋簡單, 鉤多個花仔心口針落去等佢冇咁普通,

而且件披肩扣住著方便好多,

啱晒我呢個唔係好施文既人

岩岩織好既時候就係咁捲捲下,

用左Pax既定型方法都搞佢唔掂

都唔知係我唔識整定呢隻線唔啱用呢種方法呢?

所以最終都係用我一向既方法...熨,

一熨就直晒, 仲變得好柔軟添