老女人的回郵

　上星期收到四十五歲老女人既來信，為逃避男人一事，我氣得即時傳電郵鬧爆佢。

　今午老女人終於回覆我既電郵（我無諗過佢夠薑覆我，真係"薑"越老越難明佢諗咩）

　佢仲未返去男友身邊，不過俾我提醒咗佢，佢最後傳了電郵俾男友，解釋佢逃避既原因。佢話佢依然無提佢係一個咩背景既人（講真，人哋都無問，又唔使講既，男友咁想知，其實自然就會問，對我嚟講，唔問唔會自動招供點知人家想唔想知，或想唔想聽）佢仲話，男友收到佢電郵後，直時回覆，仲求佢返去，大家再慢慢傾。但佢仲怕喎！

　我睇完，又嬲爆！都覆咗你啦！仲扮上菜攪咩呢？大家都識咗一段時間，都唔會想玩你啦！就算返去俾人玩，都抵死！邊個叫自己衰先成年人啦！仲係心智未成熟咁，怕？都唔知怕咩鬼！有咩事咪攞出嚟傾囉！咩事都有其解決方法，自己收埋响到諗ｄ無答案既問題，嘿．．．佢唔癲既呢？

　今次我覆佢，無好似上次爆得咁勁，但响今次事件中，我唔會支持佢囉！有膽死去買機票走佬，無膽去面對面現實，個人有咩用呀！唔想响一齊，咪直接同人講分手囉！唉．．．拖拖拉拉又為咩？人哋又唔死心，自己又唔拖唔水，何必兩敗俱傷？

***7月9《猩戰前傳Space Chimps》**7月11《The Dark K Night蝙蝠俠－黑夜之神》