《Watchmen 保衛奇俠》III

　《Watchmen保衛奇俠》絕對係美式漫畫王，但在港，哈！好多人都話唔知係咩，彈齙戲出嚟，真係鬼識人唔識嘞齋論齣戲，唔好講故事內容，拍攝手法及運用鏡頭等既技術都係絕貨，特效加化妝特技都唔差；可惜故事性對港人嚟講，就真係悶，前大半段節奏唔明快，諗住玩嘢慢慢嚟，嘿！我前面條茂利已經瞓到釣哂魚，個頭好似做瑜珈咁，瞓到掂到膝頭我就坐到腰都直埋，165分鐘仲足本版，真係俾佢害死！列為III級，唔係血腥暴力之故，係露點啲配樂仲攪笑，係好有心細，但每場都加隻歌，唔係五、六十年代就懶係好勁既音樂，咪玩啦！

　故事編排有啲《20世紀少年》，先俾觀眾了解每個角色及其身份，後尾段先開始入題，動作一般，唔算明快及利落，由其Matthew Goode扮演既Adrian Veidt / Ozymandias尾段同Patrick Wilson扮演既Dan Dreiberg / Nite Owl II最明顯。Billy Crudup扮演Dr. Manhattan就咩都唔哂打，一隻手掌就可以令人分身碎骨，邊夠佢玩Malin Akerman扮演既Laurie Jupiter / Silk Spectre II算係打得同睇得，可惜！一場火災令佢既身手大節扣，因為個替身突然肥咗及大隻過佢一個碼！係剪片師兄玩嘢，仲俾個替身懶型咁响鏡頭停咗三至四秒，想人認唔到都難Jackie Earle Haley扮演Walter Kovacs / Rorschach帶住面罩個樣型啲同嚇人啲。其實故事圍繞Jeffrey Dean Morgan扮演既Edward Blake / Comedian為先，所以佢出鏡率比其他各人還多。

　雖然成齣戲都講噃各人既經歷，但偏偏只有Dr Manhattan既身份較清楚，我真係唔明，件件都係普通人（除Dr. Manhattan），為咩佢哋可以咁大力呢？講到明係人民英雄，唔係好似X-man嗰類變種人喎！呢方面响戲入面係無交代。有無人話到俾我知？