《This is it》

　米高的離開，到家陣我仲未接受到呢個係咪事實，佢永垂不朽既形象，可愛親民親切既影像，依然活在世上，啲人講佢咩壞話都好啦！愛一個人，係唔會計較及理會其他人。《This is it》在於我嚟講係無得評論，好唔好睇，係在於閣下是否喜愛米高而論，你喜愛佢，自然會想睇，你唔喜愛佢，講咩都無用。

　我睇完，好有激動感，佢若沒離開，呢個演唱會，絕對無得同其他人比美；佢對音樂的忠愛，對舞蹈熱愛情度，真係超越常人所能理解，佢對所有嘢既執著，响佢身邊既人都會體諒兼實行。片中發現，演唱會將加插的一項表演環節，是在一個鑲滿閃石的鋼架上，吊在半空讓表演者於架上做動作。這段我一看，就想到上年三色台的東華三院籌款節目中，與我朋友所設計的這個項目非常相似，最似係那個鋼架，因為一望就係咁，忽想：米高的製作單位也會抄香港橋麼？

　無論點都好，我也實太喜愛此片。