@%#$&* XYZ

             識我既人都知，我係唔識講粗口既，一來我自問自己既詞彙都足夠，二來我係人之患 ma ，要學生注意言行，咁我都唔可以亂講野 ka ma! but 你無睇錯，呢篇既標題係粗口黎既，因為我搵唔到有咩字句可以形容o的咁既衰人 & 我激爆既心情

              話說今天 18/6 (四)停課的第五天，我們各有各在教員室忙著整理文件，班主任們忙著校對自己班各科的測驗、考試分數 (這部分我昨天已經做好。) 今日我就忙住做下一步﹕我班的出席率，校對操行分等等。加上整理其他文件，我一直都在埋頭苦幹。

              就在我處於與世無爭的時候，突然某人 ( 就係呢個某李，攪到我10年黎都皮質醇偏高，攪到我 迴在狂燥與抑鬱之間) 特然大聲地問 我係唔係度，(嘩! 乜間教員室好大咩? 我同佢只係斜線相一個位唧，望都望到啦，唔使咁大聲嚇親全間房既同事呀? 定係想所有人聽到?)

我回應佢，我係度，跟住佢就黎料啦﹕你下次俾分紙我，寫埋科目啦! ( 好大聲 + 好不滿既語氣 )

我應佢( 堅定既語氣 )﹕張分紙上角有ka wor。 ( 當然第一時間開返 file 睇睇)

佢再大聲 + 惡﹕睇過，無呀!

我只係教佢班一科電腦好易開到﹕無理由無ka (自言自語)

佢好大聲無禮咁應我，我無聽到係咩，只係知道我既火開始上升...

好啦! 開到o個版分紙，終於明白了，因為電腦科有好多細分 (好多parts 要俾分) 為o左令該班既班主任對分對得舒服、簡單，我就skip o左中間幾欄咁樣印俾佢，點知連上面既﹕電腦科(字樣)  都skip 埋。

好啦! 攪明白o左，咁我咪清清楚楚講俾佢知囉! (最令我火滾既部分黎啦!) 佢無等我講完，就大大聲聲咁叫我唔使解釋，唔使講。我估佢想叫我 shut up 添!

真係 xyz 佢呀! 佢知自己阻住個地球轉嗎? 想搵我黎轉移視線，咁樣做咪只有令其他人更覺佢離譜囉!

1. 我俾佢張分紙係無 科目名，但起碼我半個月前就俾o左佢呀(and 入埋分去sams) ! 點都好過佢今日先入分，攪到尋日另一班佢有份教既班全部英文分都無呀!

2. 好啦，今日佢俾分紙人都係衰o的既，明明已經阻住人地咁多日 (絕大部分既同事都係上星期入晒o的考試分) 同事好好聲氣咁問佢攞分紙，佢竟然答﹕你行過黎攞啦! 我唔起身啦!

3. 成間房都知佢o的禍野，佢仲可以厚住面皮話自己緊貼住其他同事既步伐喎.....( 真係不知所謂呀!  )

4. 就係宣佈停課既o個一日11/6，淨返最後 2 lessons 紙包唔住火，佢先至講自己仲有一班英文會話未考... (佢其實仲想話唔考添呀!) 嚇到o個班既班主任呆o左! 結果攪到4,5個同事調堂，幫佢埋尾... (因為佢自己要上自己o個班，仲一定要對到卷...)

5. 12/6 我請o左病假，仲係厠所肚瀉緊既時候佢打電話黎，佢留言問我考o左某班音樂既 木笛未.... hahaha 學生都停晒課啦，佢先記得呢樣野呀?

             我話佢阻住地球轉，係因為正常既做法係 中文、英文、普通話既口試 ，音樂，電腦，體育等等呢o的部分既考試係係 exam week之前完成既，當然有同事會係 exam week 最後o個兩日攪掂，but 呢個都已經係最後既時限，因為跟手要做其他既步驟，而且遲o左一個step 就已經唔係自己既事，係會阻到其他人ka ! 不過佢咁多年黎都係咁ka ，從來都唔理人地既.