我倆的兩地生活

             最近很懶很懶，心裡很想寫blog，遇到事情總是想寫blog，但是回到家總是提不起勁去寫，不是有做不完的家務，就是追看 A I  8(American Idol 8) ...終於都選出冠軍了... 竟然不是我心中的那一位奪魁，唉... 這個世界真是個 MAD WORLD...

            趁着今日無端端堂 MUSIC 變o左 MATHS 小測，學生努力計數，悶到死的我唯有一面監考，一面打blog 啦....

             由威威 08年入o左 media go 到依家都有過半年啦! 而佢被派去澳門做野又已經有足足半年啦! 呢半年既 "分居" 生活真係攞命呀... 晚晚返到屋企就得我一個人... 一個人聽歌，一個人食野，一個人對住o的魚，唉...生活迫人呢!

             其實前排威威遞過一封辭職信，因為佢見呢份工既時候，公司話佢未做過呢行，將佢既salary壓到好低，真係要加上過澳門既補貼，先似一份正常既人工... 但係結婚都唔夠一年，就要我地分開... 一個星期見得2晚... 呢種婚姻生活，實在係超出我既計劃，原以為佢公司唔會睬佢既加薪建議，坦白講，我寧願威威再係香港搵工，我寧願唔去日本旅行，都想我地倆個可以一齊生活,,,

             點知，係我地都以為佢公司只會照例加$500 既時候，竟然會破例，係我又想開始量體溫既時候，佢竟然加人工... 雖然唔係我地要求既數目( 仲有一段距離 添..) but 市道唔好，威威擔心失業，我知道佢一失業又會亂諗野... 算啦! 佢話做到年尾，之後winter 同我去日本ma... 唯有繼續分居啦