經一事長一智

一路唔知原來Yahoo server 都有壞嘅時刻。

媽媽同我尋日見到瀏覧人次突然急升(爸爸話恆指或佢手上Ｄ螚貨都升得咁好就好啦)，就想立刻出番個post 多謝人地光臨，我地寫好咗個第一次click “立即發表”後，個版面係Yahoo話咩咩找不到我個home page ，而唔係出預期中嘅版面，媽媽當場呆咗!!  “吓? 唔係吖嘛?? 寫( 我地仲係用緊手寫板) 得咁辛苦唔見晒Ｄ字?” 好彩我地用Word先寫好同save 咗所以無total loss啫 ，如果唔係實電腦都打爛埋。再試post啦， 結果又係咁 。 “咪玩啦!!  我地post 唔到，人地以為我地無禮貌點解唔回應吓，可能以後唔會再嚟架。”  好!! 又再試，又係一次post 失敗。我地以為係自己post 嘅程序出錯，於是乎屢敗屢試，可惜屢試屢敗，由尋晚試到今朝都係一樣，真係火都滚!!

媽媽呢Ｄ科技盲嘅c9 點會估到原來錯不在她呢? 到食晏時間返嚟個blog 度 check 吓，一睇又嚇到呆哂 !!“吓? 唔係呀?? 乜原來之前以為post 唔到嘅出哂嚟嘅?? 有成10 個相同message嘅post喺度，人地實以為我地開心到儍咗嘞。”睇吓先知原來Yahoo server 壞咗在搶修中。於是佢又急急咁快Ｄdelete 多咗嘅post。唉.......點知初時試幾次唔成功，click 下click 下先發現唔覺意delete咗有留言嗰個post 呀!! 我好想賴係Yahoo 嘅錯呀!!

不過好彩媽媽都好快咁睇過留言。留言人 -- 媽媽話會尊重你嘅意願，佢會等架!!

下次再有相同事件發生我地唔會再咁蠢架啦!!