一個新嘗試 , 一個新開始 - The Grand Opening

登登登登登!!

各位好嗎!! 首先等我介紹吓自己先啦ｏ我係Wong11, 又稱王一一，個個都叫我一一, 係爸爸媽媽嘅 honey bunch, sugar plum, pummy-yummy-umpkin, sweetie pie, cup cake, gum drops, spookem-pookem, apple in their eyes, 亦係佢地嘅心肝ding。

今日係一個大日子呀!!  我九個月大, 同出咗8隻牙仔啦!!

雖然未有蛋糕慶祝，但係媽媽就送咗一份大surprise比我, 就係幫我開咗呢個blog 嘞ｏ你知啦，媽媽一向都係一個computer-techno-electro idiot，又唔識打中文字,  所以呢份禮物對我來講係非常之特別ga,  亦都係佢一個除咗生咗我之外嘅超級大突破ｏ我知道佢用咗好多腦汁同時間預備ga。

而幕後嘅功臣當然就係爸爸啦，除咗周不時同我影咁多靚相外, 如果冇佢幫媽媽裝番個中文手寫板software同教埋佢埋點用嘅話，我唸有排都未會有呢個blog 嘅誕生呢。

為咗唔好辜負佢地嘅心意, 我將會脚粗粗..... 呀唔係....係胆粗粗嘗試去學人寫blog,  以後請你地多多指教, 有乜唔好請多多包涵唷!!

轉一轉話題先, 我想喺呢度祝同我同年同月同曰生嘅Natasha 小姐姐生日快樂，祝你健健康康，一日靚過一日ｏ

好啦，希望你地可以多D來呢度探我啦!!

一一

敬上