與化妝師最後一次見面！

之前已經講過話化妝師令我婚禮嗰日唔開心，因為化得唔好呢

佢有話 sorry，不過轉頭又話個 natural 妝係我提議，佢照化啫

唉！佢有冇跟住我咁講咁化呢？佢仲話佢一早提議要化深色啲

根本佢就唔認關佢事，而家個問題就係佢化得太深色呀．．．

其實上次試完妝我話佢化得深色同厚，佢話係陽光射入屋問題

佢係咪姓賴㗎？！不過我都揾咗自己笨，根本我唔應該聽佢講

Send 啲所謂 inspiration 相過佢，因為每個人嘅輪廓都唔同嘛

無可能係完全跟相入面個妝，而唔睇住新娘子個樣點樣而去化

算我唔好彩啦，遇到個同我個樣同個人都唔夾嘅婚禮化妝師！

我香港個囍宴 Book 咗 Sum Wong 呀，聽講佢真係靠得住

希望一切順順利利，好似 Sum Wong 咁講，放心交比佢就得

好，講返 22 號去化妝 set 頭先．．．

上面係冇經人為改造，晚晚溫書做功課做到殘嘅師奶樣

用一句話咁講，即係 "Before" 啦，哈哈

順帶一提，我已經由 88 磅去返 94 喇，零食嘅功勞都唔少㗎

同之前一樣，依個化妝師唔催唔覆，又成日改時間！

我都唔再同佢客氣，好似佢無啦啦又改到晨咁早，我咪話

"我地覺得你個妝冇可能 keep 到晏晝兼日落㗎喎"

佢冇任何回應，因為依啲係事實呀．．．

佢又問我係咪化返上次個妝，我咪又老實話佢聽

當日冇人讚過我個妝，人地仲話個妝好唔掂，我好唔開心

佢首先話 sorry 冇人鐘意，跟住就話個妝係我揀嘅，唔關佢事！

我咪同佢講，話佢唔聽我意見，化到我結婚嗰日都唔靚！

之後我就同佢講，今次唔好再理任何相，我只係要求唔 cakey

最緊要係化返近我條頸嘅顏色！唔好奇奇怪怪咁～

好明顯，今次佢用咗另外一種方法去化，Foundation 唔再 thick

依次用化妝掃上粉底，會喺 "鰓" 位先試色，同化完妝之後終於有噴水

加上冬天關係，真係比上次個妝 last 得耐啲，係三次之中最 "滿意" 嘅一次

之後佢幫我加個皇冠上去，側咗一邊，叫佢幫我整返正，又黑我面！

到加頭紗，我地想加埋 blusher 上去，佢又話奇怪

我地堅持加，因為兩層頭紗靚啲，佢當然又黑面，話我地話加㗎咋

佢化完，問我地仲有咩要佢改，老公都係唔客氣

話我地要出去陽光底吓睇吓個效果先．．．

好曬！唔係，係冇咩問題，嘻嘻～

攞完份 contract 即刻走人！

化妝相冇 send，不過個髮型嘅 inspiration 有 send

似唔似，就大家自行去判斷！不過都係嗰句

比我婚禮當日，好好好好多呀．．．

依個凌厲嘅眼神係送比佢㗎 ，哈哈～

話依個妝係滿意，唔代表係鐘意，因為係三次之中最滿意啫

今次都有唔好㗎！不過都係夜晚先發現，跟住睇相又睇到

就係左眼嘅假眼睫毛，近眼尾嗰邊，一路都係甩甩地㗎！！！

無論有機會定冇機會，我都唔想再比佢化妝呀．．．

奉勸各位新娘子，試妝時間同試妝錢唔好慳！

網頁上嘅相，其實可以好虛無～

我個攝影師影嘅相，其實問題唔係話好大

不過睇返親朋戚友啲相，就知道個化妝師化成點！

想結婚嗰日靚靚，係要做足功課，因為自己嘅皮膚，都係自己最清楚呀！

同埋試妝最好朝早試，好似我地忙，化妝師又玩嘢，連晏晝都約唔到

夜晚化完返屋企，唔夠幾個鐘就要落妝訓覺，根本個效果唔可靠呀