沙沙的第一粒

( 1 week )

話咁快沙沙就爬左出來一星期了真係睇住佢一日一日長大好開心呀!!!

而家我同沙沙同嫲嫲一齊住，但我同爵士就晚晚睇完佢就返自己屋企~~點解我要咁座月係因為...........上星期入左院咁耐到生埋沙沙整整五日我係無瞓過，係我衰唔慣瞓陌生床，加上個d咁既陣痛係會痛醒，所以就成個星期無瞓了

出院當日我已經叫奶奶同姑奶先接沙沙返沙田先，我地就同燒媽媽返屋企收拾好沙沙的物品同用品夜少少先過去奶奶到。返左屋企梳洗完食飽飽就去瞓了，傷口的痛楚都係瞓唔到，叫做休息下就起身過去奶奶到食飯。

就因為我瞓唔到既原因所以暫時沙沙妹都要係奶奶到住，我就每日下午過去夜晚食左飯就返屋企瞓。雖然大家都會話咁座月係唔好，但總好過我瞓唔到無得休息咁身體會更差了。

就係第六日沙沙的臍帶就脫下來了起初我覺得脫左都無咩咁，但後來問護士朋友原來肚臍仔係好緊要，係一個傷口仔所以要好好保護佢。護士朋友話大約12日就會脫下，如脫左要用稀釋的消毒水用棉花棒抹下之後要用紗布蓋好肚臍就得，記得片片的頭要摺下去唔好蓋住肚臍位。如可以都可以用手幫bb按摩下肚臍附近咁佢就好舒服。

等我比大家睇下沙沙的第一粒脫下的臍帶，係有d噁心，大家唔好介意呀!!

我既招牌動作~~

大家唔好比我粒臍帶仔嚇親下