移動金寶湯

( 36 week 6 day)

琴晚約左細姨、姨丈、哥哥同爵士一齊出去食飯，食飯時哥哥就話下午同細姨去街時行過bossini見到有舊版金寶湯個個肥妹仔出左衫，佢地見到有BB系列，所以就叫我去睇下，因為好靚好得意。點知我地食飽飯去睇，葵芳個間係無BB系列，所以就無買到。

今朝一早媽媽就打比我話煲好了白蓮鬚比我飲，話拿過來屋企比我所以我就係屋企等佢，之後同佢約埋細姨一齊去青B城飲茶，飲完就行街街，當然先去bossini睇金寶湯系列真係好靚，唔買唔得買左三件比沙沙，我地一齊話到時沙沙著左件金寶湯係到走來走去一定好得意(爵士話沙沙著住呢套衫就好似會移動既金寶湯)

呢件圍裙衫係包埋yummy底底

遲下沙沙就會著住金寶湯同大家見面，大家見到佢唔好咬佢個yummy pat pat

而家去買只需要出示超市收據就有85折，折實600蚊後就送一套兩隻湯碗加一罐湯，快d去買啦!!!(本來買埋口水肩，但佢比留左，明天再去買過先得)

買完就同爵士去taste買餸之後就趕返屋企，因為上次訂既BB用品今晚送貨上來。有chu chu奶瓶、洗衣液、洗菜液同柔順劑。

同場加映，爵士爸爸買比沙沙既口水肩，係唔係見到都好想咬一口