行花市

今日完本打算食完晚飯後去行花市，我本來想食焗飯，但媽咪話焗飯要等好耐，所以叫咗個拉麵，攪到我唔多開心．

但係點之爸爸食完之後又話唔夠飽，又再叫多個鐵板餐，結果我嘆完杯熱飲都仲要等到九點幾，知道係要等咁耐我就要焗飯．

我終於到達目的地啦，嚟到呢度，我發覺啲小朋友特別受人歡迎同重視，去到邊都成班哥哥姐姐走埋嚟，啲玩具唔止又任玩．．．

．．．就算唔幫襯都可以影相．

係呢度仲比我發現咗我上年想買嗰啲舞獅呀！

行花市當然唔少得花啦，但我就無興趣，所以離遠影下相就算啦！

我行嚟行去考慮咗好耐之後，最終都係決定買呢把劍返屋企．

哈哈！我得手之後成個人開心晒．

就算睇呢啲調味料，我都一樣笑得咁開心．