西貢ｓｗｉｍｍｉｎｇ之旅

我諗認識我嘅朋友仔都會知道我好鍾意小動物，尤其係貓貓同狗狗～～自從上次個西貢白果之旅去過西貢之後，我就對西貢念念不忘，西貢簡直係我嘅天堂～～～除左有美味海鮮外，仲有（狗展）添．．．．．．有唔同品種嘅狗狗喺你身邊，真係好開心～～而今次有機會約到亞Ｋｉｔ同ＰａｔＰａｔ帶埋佢哋ｄ仔仔囡囡（檬檬＆Ｍｏｍｏｋｏ）去西貢游水～～我梗係開心啦～～～仲有聞名已久嘅美麗同美麗媽添～～ｈａｐｐｙ．．．．．．

我哋一行５人＆３狗最重要梗係醫肚先啦～～地方有限，Ｍｏｍｏｋｏ＆美麗就要喺一邊等我哋喇～

喺餐廳遇見Ｔｒａｃｙ＆雪糕，真係好有緣呀！！雪糕真係好得意呀～

食飽飽梗係出發去沙灘啦～～

途中見有堆人圍觀ｄ野～我梗係去八下啦～～原來係一隻好肥嘅老虎狗～～

大家有無留意佢條狗繩呢？！有月餅，楊桃同柿架！！！！！幾應中秋節ｗｏｒ，好搞笑．．．．．．唔怪得咁多人圍觀啦～～ｈａｈａ．．．

到左沙灘美麗媽攞左隻ｐｏｏｈｐｏｏｈ出黎呀～～亞堅即刻要攬住影張相先啦！又幾似樣ｗｏｒ，ｈａｈａ．．．

美麗媽仲幫我＆堅同美麗影相添呀～～美麗真係又靚又乖又聽話．．．．．你睇佢笑得幾靚女～

我＆美麗影相呀～～好開心呀～～

一樣咁美麗～哈哈．．．．

美麗仲霸埋隔離妹妹ｄ玩具當係佢架～～哈哈．．．佢真係好得意呀～

Ｍｏｍｏｋｏ＆美麗一路玩追逐遊戲玩得好開心呀～～

美麗媽＆美麗倆母女～美麗仲出動埋私家水泡～

亞Ｋｉｔ＆Ｐａｔ一家幾溫馨～～

我哋喺沙灘玩左大約個半鐘之後，就出發去食海鮮～

之前美麗媽仲早左出黎幫我哋訂定ｄ海鮮喇～～佢真係好好人呀～～

ｌｅｅ餐豐富喇～有南乳脆皮雞ｌａ．．．美麗媽預訂架～

有美極虾～～

有墨魚餅添～

有我最期待嘅椒鹽斑馬瀨尿虾～

有清蒸鮑魚～

你睇ｄ鮑魚幾大隻～～

大合照～～～只欠Ｐａｔ，因為佢要揸機～ｈａｈａ．．．

之後仲有紅燒豆腐～全部都好好味呀！！

今次西貢之旅咁開心真係要多謝美麗媽呀～佢唔嫌棄我哋咁急約佢出黎之餘，仲盡地主之儀帶我哋食好野添～我真係好開心可以識到佢同美麗呀～

但唯一美中不足係喺沙灘中段時我部相機無啦啦傻左～無得同檬檬＆Ｍｏｍｏｋｏ影相添～～

不過我同亞堅見到佢哋（檬檬，Ｍｏｍｏｋｏ＆美麗）玩得咁開心，我哋都好開心～Ｍｏｍｏｋｏ仲好叻女游得好出添呀～～～我諗我哋好快又要去搵亞美麗同美麗媽架喇～～