營後感

我終於返黎啦~

因為天雨既關係，我地由5日4夜既露營改為4日3夜既露宿營......係露營+宿營..

星期一︰

我地全部人在6點已經到達學校，準備出發的物資及心情...學生10點到達學校，經過一輪briefing後出發，在凌晨12半左右到達西貢的營地。當時下著細雨，經過營長對學生的訓話後，我同另一位導師和同學們開組。我都係第一次起呢個時間，黑媽媽...坐起山荒野嶺同d學生開組....雨落得越來越大...當日我地沒有起營...大家都係訓起山頭.....大會義工幫手紮起個天幕，果一晚無論學生或是工作人員，都係山頭訓佐幾個鐘.....果晚真係好凍...我d衫又起個背囊度....背囊又沒有跟身..所以...我同cherry唯有用我地本來用作枕頭既雨衣轉為保暖衣，才不會凍死街頭!

星期二︰

第二日，我地大約7點就起佐身...果日雨仲大，跟本不能做原來安排的活動.....起大雨當中，學生仍然要在天幕下煮佢地既早餐...我地導師既早餐，就由helpers安排....因為安排的活動不能在大雨中進行，又唔可以比d學生起度hea，所以，我地導師就要同d學生又開組..講真...真係唔知講咩好...唯有同佢地吹下水，了解下佢地......最後，我地決定轉移陣地..坐車去佐另一地方︰黃石碼頭附近既大灘。去到時，天氣好佐，仲有太陽tim....跟住，我地就叫d學生傾下起邊個位署set天幕，由佢地自己去起，跟住佢地就煮野食...。午餐過後，我地工作人員就行下附近既山路，準備晚上佢地既solo walk。山上面既路不算太崎嶇，不過因為落完雨，個地真係好滑，我地著晒行山鞋，都一樣噤「線」。好彩，有人借左支行山杖比我地，當時先感覺到行山第3隻腳之重要。返到去，d學生仲玩緊「吊燒朱」，即係由一個地方，由繩爬去另一個地方，真係好考佢地既毅力同埋合作性，由其是身型大既學生，真係爬得好辛苦。到佐夜晚，以為有好既天氣既時間，雨又開始落啦...仲好大tim....我地工作人員就set佐營，可以入去避雨，所以，果日我同cherry就8點幾就走佐入去....傾佐陣就訓佐啦....而d學生.....我地就無安排佢地起營..佢地就由導師帶佐出去碼頭果邊又起街頭宿一燒.....

星期三︰

果日，我地女導師6點幾就起佐身去接男導師更，因為成晚男導師都去左睇住d學生。當時，有兩位學生因為一d既事情打起上來，我地立刻分開佢地...d學生真係太衝動啦.......當日我地決定左返去學校繼續做training....學生開心之餘，我都幾架...因為起大雨下既環境真係好惡劣呀....又做唔到咩training....不過離開仲好....返學校果程車，真係訓得好舒服....因為前兩晚都訓得唔好呀...返到學校，我地比d學生休息之餘，我地工作員亦有房比我地訓，真係估唔到果間學校有宿舍，我地沖完涼就訓佐啦~訓到6點幾...學生開始solo cook，自己煮自己果餐....果part都幾開心...佢地見到自己煮好既飯，都幾有成功感。果晚...應該係整個旅程最開心既一日，玩佐3個身體勞動既遊戲..又做circle training...即係non-stop地做exercise....用晒佢地既精力，再玩獨處，即係將佢地放起不同既位置反思，黑媽媽，靜英英，都唔好話唔驚...不過，應該比起山頭玩獨處易好多....學校起碼係佢地熟悉既地方...所以，有幾個學生好快噤已經訓佐，無機會同佢地傾下。大約3點幾，完成晒果part，叫番晒d學生入房訓喇~

星期四︰

晨早6點幾起身.同d學生做個簡單而令人感動既分享後...就離開了。

後感︰

去之前帶備好多防晒，真係好擔心會晒黑...點知...我有滴防晒都無用過，因為全程落雨，防雨重要過防晒!呢幾日雖然落雨，而且有時仲好大，不過，都唔夠以前有一次又大風又大雨，果次個營仲差d唔掂。今次，風唔算好多，個營紮得好實。不過，d泥張真係好核突，雙腳濕晒，仲有著住對行山街同埋兩對濕襪，感覺勁「up」，隻腳巢晒皮，勁痕。

唔落雨我地應該幾辛苦下，不過，今日真係變佐一個軍「訓」營...好多時間比我地休息。發覺自己應該唔會太like露營既感覺，雖然我唔係一個乾淨既人，不過真係好怕d公廁，唔用又唔得...仲有起個營入面好焗，好濕，我d皮膚又來架~最攪笑係..我同cherry都有其同既嗜好，就係「r」...有個導師都發覺到，問「你地兩個仲咩成日r呀!」

估唔到我都被感動到呀~!今日離開前，我地每個導師向全部既同學講佐一d勉勵既說話，第一次起噤大人面前講勉勵說話，起無準備之下，有d壓力。不過，最感動既係我地每個導師，包括營長，同每一位同學握手，再向每位學生勉勵，真係好感動，見到有d同學哭，攪到我都喊埋一份，我喊係因為受到某d學生既認真而感覺，雖然佢地既外表懶懶散散，串串供，但係佢地真係好認真...亦都睇到某d學先既轉變，開頭佢d態度真係差到爆，成日比營長「獎」到push up(我地唔用罰)，又話又走，又話叫亞媽來接....真係唔想理佢..不過經過果次之後，佢真係有改善，雖然唔係立即變好乖，但至少個樣無噤「黑人憎」....更加會遞野比我同另一位導師食!

嘩~好長既一篇日記呀~各位慢慢睇啦~