[ 阿斗官 ] 京華私房菜

今餐食乜好呢?? 京華菜?? 唔知係食D乜既呢??

上網睇到呢間私房菜既評價唔錯...個隔局古色古香...都唔錯...就試吓你啦....睇吓有咩好介紹先?? Mmm...呢個 "斗官鮑翅餐" 好似唔錯咁喎...個名係咪好似好勁咁呢?? 其實一D都唔貴...$268就可以享用呢一餐喇....

阿斗官京華私房菜﹝蔡瀾美食坊﹞ 紅磡黃埔花園黃埔新天地第八期 3152-2166

廣東菜  22 VS 2

呢煲 [ 古法雞煲翅 ] 用料十足...不過差在有少少腥味遮...

呢味 [ 家廚秘製手撕雞 ] 既雞肉仲好嫩滑...尤其是塊雞皮煎到好鬼屎香呀...好香口好野味...正...Yummy !!

[ 蠔皇厚菰九孔鮑 ]...燜得好 "淋" 好入味...

呢碟 [ 惠州梅菜炒菜遠 ] 又炒得幾香喎...

呢碟 [ 南冬陳村粉 ] 竟然俾左一個意外驚喜我喎...我最初未試過既時候...覺得冇乜特別...但係當我食落口既時候...我對佢完完全全改觀...仲覺得好好味添...仲成碟清哂...真係好 "掂" 呀....

[ 大良雙皮奶 ] 又香又滑溜熱辣辣...連我對牛奶有敏感既都忍唔住試左幾啖呀...

[ 綠豆沙 ] 明明餐牌上唔包呢碗糖水嫁喎...點解?? 係因為咁既...果度既侍應好好人...見我食左幾啖就唔食...問我點解?? 得知我唔係好食得牛奶所以...特登食我食碗綠豆沙...實在太好太細心喇...真係值得一讚 !!