27 Mar 2008

呢兩日去左露營，好好玩，但係都好體力化，好累

今次係我，Andy，Grace，Heidi同埋Shirley 一齊去，去呢個Elmanda Point果度。

琴日我就一早起身，煮愛心早餐比Grace同Heidi食，然之後Andy差唔多時間到，咁我地就出發ｌａ～～～

去到之後，拿左ｄ營，兩隻艇，一隻獨木舟同裝備之後，咁我地就出發ｌａ～～～！我坐獨木舟，Grace同Shirley一隻艇，Andy同Heidi一齊坐，而寡人就坐獨木舟。

一開始果半個鐘，我地成班都傻下傻下咁划，原地踏步咁玩＠＠玩左半個鐘頭之後我地先至知道要出發，如果唔係就趕唔切！地圖上面寫要花個半鐘頭到？咪玩ｌａ．．．．．．究竟係我地唔識用支槳定係點呢？結果我地足足花左４個鐘頭先到。划到途中，我見Shirley同Grace已經好累，好想放棄，但係呢個時候聽到Heidi同 Andy係度「康師父，公仔麵」咁大叫，咁佢兩個就自然有返精神，繼續划ｌａ～～～！而我就呢個時候係度唱You'll never walk alone呢首歌，激勵自己～～～！最後雖然都好趕，但好感謝主，我地係日落之前去到目的地～～～

去到之後，大家一齊起營ge起營執野ge執野，夜晚就食Andy整ge煲仔飯，好好食呀！大家勞動左一日之後真係好肚餓，兩煲飯食得乾乾淨淨！！天空好多星星，好可惜太多樹遮住左，睇得唔係咁清楚，如果唔係天空真係好靚架！

夜晚臨訓前，我地有一段好正ge分享時間，大家都好真心咁講晒今日ge行程出來，真係希望過左今次之後，我地幾個ge關係會更密切

我琴晚好好訓，我果然已經可以無論係咩環境都可以好好咁訓～～～實在係一件好好事，Andy為我地整愛心早餐，好好食呢，之後未到１１點，已經見到有其他唔識ge營友上左岸（人地十一點前到左，我地到６點先到，唔通我地真係咁渣？）唔理ｌａ，我地收拾好晒之後就上船。今次仲辛苦過上次呀！ｄ風勁大，ｄ浪又勁大，我自己試過一次沖左上岸，觸礁呀，要好辛苦先出得返去。Andy同Heidi又一早唔見左人，我又見唔到佢地，後面個Grace同Shirley又跟唔上我，我無帶眼鏡之下視力有限，咁我就等埋佢地先一齊行ｌａ～～～一下一下咁～～～好辛苦同浪搏鬥，最後都終於到ｌａ～～！
< br>到左之後，即刻煮麵食，肚餓果然食乜都好食，就咁用手水６左Ｄ肉丸都好好食呀～～！有菜有麵咁食左呢餐，我都好滿足～～～最後還晒Ｄ野之後，咁我地就好疲倦咁返屋企～～～！

係度好想多謝Andy，佢邀請左我去呢個camp，佢又好不辭勞苦咁安排好晒所有野～～好多謝你～～！呢方面我真係要好好向你學習ｌａ！