離別

個人突然有感慨

Daphine要走了，我地JUST團契為佢farewell ，場面都幾感人，畢竟佢一直以來都係JUST入面ge核心份子，而家話要返香港發展，始終都令好多人唔捨得。

講起對Daphine，其實我同佢又真係無話有ｄ咩交流，因為我去年８月先返呢個教會。不過我都曾經去過佢個group度，佢比我ge感覺係一個好溫柔，好比人一個信賴感覺ge女生。有時一大班人一齊出去玩or食飯，都試過玩下佢，串下咁，佢都一ｄ唔介意，好樂意咁陪我地玩。

佢係一個好盡責ge人，我睇得出，因為今年年初，佢一手搞前度JUST　member ge聚會，差唔多所以野都係佢一個人安排，而且係佢主動去搞。無左佢，我諗我都未必知道原來以前ge JUST係咁。

Times goes fast. Daphine ge離開，其實意味住未來幾年，包括我自己在內都會離開，JUST ge 面貌又會繼續去變。雖然我係度ge日子尚短，但我已經好感覺到果種離別ge悲痛同傷感，所以我更加應該去學識，珍惜眼前人。唔好錯過任何野，我而家擁有ge一切，唔係必然。

Daphine，祝你有美好ge將來，係香港有一個幸福快樂ge日子！

今日我踢波，有一球隊友係左路傳中，我以最快ge速度衝埋去，加埋凌空用腳嘗試去將個波撞入網，但始終都係差一個波位．．．．．最後我成個人撻左落地．．．．雖然我受所有人鼓掌．．．．．．但我都係唔滿意，因為我好想入返一球，將入球獻比Daphine。

我一定要盡快爭取入球，將入球獻比Daph!