高錕與周秀娜------日頭唔好講人!(最新update版!)

一哥返左學, 一媽多左時間睇報紙, 近排最深刻既兩則新聞, 係啱啱攞左諾貝爾物理學獎既高錕, 以及殺入科大做學術論壇嘉賓既周秀娜!

先講光纖之父高錕!因工作關係, 曾經與高錕有過一面之緣(好似好威咁! 哈哈!)

高錕窮一生精力,研究出光纖訊息傳送, 呢個研究亦令佢獲獎無數,但再風光再多人認同, 到他這把年紀, 仍逃不出生老病死的路徑, 眼下患上老人痴呆症, 對於自己的畢生成就, 光纖, 全都忘得一清二楚, 唯有陪伴他半世紀的老伴, 仍時刻記在心中, 這份不離不棄, 陪著你走一生的情誼, 比任何獎牌更加貴重難得

人世間的功名利祿, 全是過眼雲煙, 刻下的眼前人, 才是最值得珍惜!

**************************************************************************

至於周秀娜! 一媽對她持中立態度, 說不上喜歡, 亦並不抗拒!

在marketing既角度, 周秀娜是她公司推出來的一件商品, 公司對這件商品的市場策略明確, 亦做得很成功! 只不過, 呢班人都做得幾盡, 將一個女仔生剝, 應該係食住呢個潮流賺快錢, 重眼前利無遠見既人!

在周秀娜而言, 她明白自己的長處優點是什麼, 亦都目標明確, 要名要利, 所以她以豁出去的態度做任何事! 一媽覺得好過一d又要做, 又做得唔盡, 半沉不浮, 又唔抵得人地上位, 成日加把口抽水既人囉!

在一媽眼中, 科大的學術論壇, 主持教授一味係咁講學術名詞, 突顯自己的真學者形象, 可能佢係學術上真係好成功, 但佢絕對唔係一個好既主持同埋溝通者, 大家諗下, 如果平日佢都係咁同人講嘢, 大家會有乜反應佢!

雖則做學術交流, 但學術都可以好地道, 可以深入淺出, 睇下學者既功力夠唔夠, 唔夠既, 就會好似主持教授咁, 一味拋d嚇死你既學術詞彙, 對象仲要係個無乜墨水既女仔, 一媽覺得有欠風度, 同埋有多少嘩眾取寵囉!

至於大學生們, 話周小姐唔知答乜? 梗係喇, 人家擺明係賣樣賣身材, 你想佢講乜比你聽, 有腦有樣有身材, 就做左才女, 而唔係被人生剝既三點式女郎喇!

最後, 都係個句, 市場供求有序, 資本自由市場, 係咁架喇!

真係日頭唔好講人,今朝九點幾上完篇blog, 之後行去隔離個商場, 一媽就見到周小姐喇!!!!!!!!!! 有冇咁邪呀?????? 六合彩又唔見一媽中!

都話有供有求架喇, 幾多龍友阿叔阿伯, 真係擔埋梯, 成副裝備咁嚟追星架!

**************************************************************************

今日係世界郵政日, 大家可以免費寄一封本地信件, 詳情如下! 

http://www.hongkongpost.com/chi/publications/news/2009/20091005a/index.htm