網誌分類：0907 |
圖片
網誌日期：2009-07-17 17:36
94年Term break, 一媽同老友記Peony兩個去昆明, 長江三峽再落武漢, 全個行程非常舒服放心, 因為出發之前, 一公公已經幫我地計劃好行程, 亦都已經吩咐好國內既一眾親友, 支援協助, 以及安排好晒所有交通 .....................
我地兩個第一站就去昆明, 當地我有個表哥係度, 全程都係佢帶我地去吃喝玩樂, 家下諗起都開心呀!
仲記得我表哥好鬼好客, 一連幾日, 由朝到晚, 又帶我地去攀龍門, 又同我地去天池食燒魚, 又去浸溫泉, 仲有卡拉ok, 真係你講得出既節目都有, 仲要租好晒車, 我地訓醒攞起個袋, 就去玩!
最難忘既, 係我地個幾日, 由起身到訓覺之前既一刻, 都係咁食食食, 早餐飲茶,係午餐之前, 又會食下特式小食, 午飯過後, 當然唔少得tea一tea, 行無耐又再去食晚飯, 食完已經十點幾, 表哥突然又會問我地, 去飲夜茶囉, 當地好流行架 .........................
老實講, 頭兩日盛情難卻, 我地兩個女仔都頂硬上, 一心諗住, 旅行食野, 開心至緊要, 之不過, 到左最尾兩日, 我地真係飽到唔郁得, 亦都食到怕, 因為係呢幾日之間, 我地兩個係好明顯咁膨脹左好多, 係睇得出架, 幾日之間有咁既情況, 大家可想而知, 我地食得有幾咁勁喇!
終於走之前兩日, 表哥仍舊係咁帶我地去食食食同食, 我地終於招架唔住, 當佢又叫我地去食野既時候, 我兩異口同聲大叫"又食"(國語!), 而呢句咁經典既說話, 到今時今日, 我同老友聚頭個時, 仲會用嚟開玩笑架!
臨離開昆明之前, 表哥帶我地去食當地好出名既過橋米線, 好正宗, 好好味, d配料多到, 成圍枱先至擺得晒!
食過橋米線既食肆, 係間類似夜總會既酒樓, 晚黑有人唱曲架!
yeah! 登龍門, 係會聲價十倍架!
IMG_7614.JPG
IMG_7613.JPG
IMG_7612.JPG
