近

可以話好耐無打過內心感受的blog，係呀…有少少唔想講咁多，想同真人面對面多啲，但人選[無]。發現自己好想好想係咁同人講野。如果你發現我同你講好多野，你係唔小心俾我睇中佐做情緒舒發對象…就係果啲，我其實無留心你講乜只係自己好想講好多野。

近況就係身邊人有好有壞，唔好意思，我活在自己的世界忘記去關心你哋

日子過得耐…自己唔係幾好意思再不停咁講崔慶璋，人人都有自己的生活，就算人哋唔介意聽我都唔好意思講，人哋的世界唔係時時刻刻圍住我去轉

精神有點緊張，來來去去都係三件事，工作和學業，走堂的意欲識在太大但呢條路係自己選擇，點都要完成。其實完成佐幾科個人已經warm up佐，兩科之間的空檔時間唔洗上堂仲會有點兒唔自在。我真係好鐘意學到新事物只係唔鐘意做assignment同考試之嘛 因為自問自己不是交功課和考試的好材料

早排突然發現自己終於接受佐崔死去呢個事實，我都唔知道點形容呢個感覺，就係一個"接受崔死佐呢件事"的感覺。有一個好景象係唔開心一定會有但宜家好多時諗起崔，可以同諗起屋企幾隻貓，諗起家人朋友一樣咁"普通"的感覺，唔係吓吓都咁heavy

不如講吓他的近況，係呀。佢的近況幾好，每一次我夢見佢都係交出一個好窩心的微笑，有人話咁係好事，夢見先人笑係代表佢好好。OK啦，只要佢好好我就無求。

Hmmm... 如果你夜晚拎轉身有一個人可以俾你抱住或者實實在在咁望到佢既，無論大家有什麼argue都好試試盡量找一個磨合位，退一步未必夠，退十步或退一百步可能會見到一片天。實在每一晚瞓覺前都諗吓今晚會唔會夢到老公呢？呢啲感覺…真係唔去到呢一步你唔會知有個人日日係屋企同你鬧交係一件幾咁幸福的事。

人與人，最少有兩個人