點滴在心頭

一路都好懶寫 blog, 因為佢 upload 啲相好慢, 而且感覺睇嘅人好少...

今日想寫 blog, 係因為我失業啦, 雖然只有幾日時間, 但係已經感覺好空虛, 眼見人人在忙於工作, 我就只有留係屋企, 坦白講, 有啲感到前路茫茫, 摸唔清自己嘅出路...

大家放心, 我又唔係你地想像中咁唔開心, 只係有點失落, 無奈...

明白公司的立場, 明白老闆的決定, 但做得好地地, 突然要我走, 果種束手無策嘅感覺, 實在難以形容, 我不敢說得自己太慘, 因為比我更慘的人還多很多, 之但係又不能說我很好呢...

跟屋企人說, 沒多大反應, 因為他們都知道我份工本身都係無咩做...

跟男朋友說, 也是一樣, 佢同我講這是遲與早的問題, 生意差得咁勢利, 預左啦...

跟朋友說, 反應就比較大啦, 個個都問我點解, 點解會咁突然???

唉... 我都想知點解, 成日問我點解, 無先兆咩???

點解, 點解我中唔到六合彩... haha... 到呢個時候, 都識自娛, 我都話我無事架啦...

未失業之前, 已經知道出面嘅市道有幾差, 好多人都好難先搵到工作, 又或者因為有太多負面報導, 令我感到一點點的恐懼, 好怕自己都搵唔到野做...

好想創業, 但又俾人潑我冷水, 咁又係嘅, 錢少少, 又做到啲咩呀???

想博, 又唔敢博, 但又擔心搵唔到野做...

你地究竟明唔明我而家咩心情呀???

最緊要係唔想成為別人的負擔呢, 呢個心情唔敢同人分享...

樂天的我, 跑到哪裡去???