細佬 - 生日快樂!!!

十一月十九日便是我最親愛的細佬生日, 話咁快又一年啦,

你今年有咩生日願望呀???

我祝你生日快樂, 身體健康, 越搵越多錢,

仲有快啲識到女朋友!!!

細佬話生日正日有台慶睇, 所以要我地提早一晚同佢慶祝,

好, 出發去, 凍凍地, 食咩好, 不如食最殘忍嘅菜 - 煲仔飯!!! 

Daddy 見到有羊腩煲, 又話要食, 好, 叫囉... 但媽咪食完話唔夠濃喎...

炒蜆 - 極度難食, 啲蜆肉係 "梅" 架...

粉絲雜菜煲 - 又不是最好, 又不是最差...

好野, 終於都等到主角出場啦, 快啲揭盅!!!

倒多啲, 倒多啲, 咁先夠味架...

豉汁黃鱔煲仔飯 - 飯煮得唔夠乾身, 黃鱔又唔新鮮, 唉...

薑蔥田雞煲仔飯 - 呢個算係好啲啦, 唯一可食的...

無辦法, 實在太難食, 我食左好少野, 所以要麻煩細佬幫我買個麥記餐返黎, hehe

見你咁乖, 我也待你不薄呀, 特登跑去買個驚喜俾你架,

你睇個蛋糕幾靚 - Strawberry Chocolate Mousse Cake!!!

係咪好耐無食過蛋糕呢??? hehe...

快啲同你影番張相先, 笑... 

再黎全家自拍一張大合照先, 望住鏡頭啦 daddy!!!

呢個細佬, 你個表情駛唔駛咁誇呀??? haha...

請問你許左個咩願呢??? 記住唔好話俾人聽呀, 如果講左就唔靈驗架...

快啲切蛋糕啦, 祝你開開心心呀!!!

切淨呢件係唔屬於我嘅, 因為我唔食朱古力架, hehe...